O Pleno do Concello de Lalín, en sesión que tivo lugar o día 27 de novembro de 2001, adoptou, entre outros, o seguinte acordo:

Primeiro.-Aprobar definitivamente o Plan parcial Areal-1, a iniciativa da empresa Erosmer Ibérica, S.A. e redactado polo arquitecto José Enrique Pérez Ardá, xunto cos documentos e planos que forman parte do expediente.

Segundo.-Prosegui-la tramitación do expediente, publicando o acordo no DOG e o acordo e texto da ordenanza no BOP. Por último, remitiranse un exemplar completo autenticado do expediente á Consellería de Política Territorial, Obras Públicas e Vivenda e dous exemplares da normativa aprobada.

Contra o presente acordo, que é definitivo en vía administrativa, poderase interpoñer recurso de reposición ante o mesmo órgano que o dictou, no prazo dun mes, ou interpoñer directamente recurso contencioso-administrativo perante o Tribunal Superior de Xustiza de Galicia, no prazo de dous meses, contados ámbolos dous prazos, a partir do día seguinte ó da publicación do presente anuncio.

Lalín, 14 de decembro de 2001.

O concelleiro delegado de Urbanismo

Rubricado