Na Sala do Contencioso-Administrativo do Tribunal Superior de Xustiza de Galicia tramítase o recurso número 1/1343/2001 (procedemento especial para a protección dos dereitos fundamentais da persoa) interposto por Cándido Andión Núñez (SIMEGA-CESM Galicia) contra a Orde do 18 de xuño de 2001 (DOG nº 126, do 29 de xuño), da Consellería de Sanidade e Servicios Sociais, pola que se ordena a publicación do concerto entre a Universidade de Santiago de Compostela e o Servicio Galego de Saúde.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer na sala como demandados no prazo de cinco días, de conformidade co previsto no artigo 116 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 15 de xaneiro de 2002.

Valeriano Martínez García

Director xeral da División de Recursos Humanos

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA