Juan Vázquez Sandá faleceu o 15 de abril de 2001 na Residencia-Fogar da Terceira Idade Porta do Camiño de Santiago de Compostela. O finado outorgou derradeiro testamento en escritura pública do 5 de novembro de 1993, instituíndo como única e universal herdeira a Comunidade Autónoma de Galicia.
Segundo o artigo 17 da Lei 3/1985, do 12 de abril, do patrimonio da Comunidade Autónoma galega, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta da Consellería de Economía e Facenda. A aceptación de herdanzas entenderase sempre a beneficio de inventario.
Na súa virtude, de conformidade coa proposta da Consellería de Economía e Facenda, feita nos termos nos que Juan Vázquez Sandá acordou a súa herdanza, e logo de deliberación do Consello da Xunta de Galicia na súa reunión do vinteoito de decembro de dous mil un,
DISPOÑO:
Artigo 1º
Aceptar, a beneficio de inventario, a herdanza feita a favor da Comunidade Autónoma de Galicia por Juan Vázquez Sandá.
Por vontade do causante queda en beneficio da Residencia-Fogar da Terceira Idade Porta do Camiño de Santiago de Compostela, dependente da actual Consellería de Asuntos Sociais, o exceso de diñeiro da súa propiedade para ser investido ou gastado nas atencións que presta. Así mesmo, queda adscrito o resto do patrimonio hereditario á Consellería de Asuntos Sociais.
Artigo 2º
A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade deste decreto.
Santiago de Compostela, vinteoito de decembro de dous mil un.
Manuel Fraga Iribarne
Presidente
José Antonio Orza Fernández
Conselleiro de Economía e Facenda