Aprobado inicialmente polo Pleno do Concello, na sesión extraordinaria do 17-1-2002, o expediente de modificación da ordenanza nº 7, de solo rústico
apto do Plan Xeral de Ordenación Municipal e a creación dunha zona industrial no Monte Mirallos, redactado pola empresa OF.P.-90, S.L., e de conformidade co disposto no artigo 42.1º da Lei 1/1997, do 24 de marzo, do solo de Galicia, sométese a información pública polo prazo dun mes, computándose o dito período desde a publicación deste anuncio no Diario Oficial de Galicia, co fin de que as persoas interesadas poidan examina-lo seu contido nas oficinas xerais, e presenta-las alegacións ou observacións que estimen convenientes.
Moraña, 18 de xaneiro de 2002.
José A. Eiras Paz
Alcalde