En cumprimento do disposto no Acordo do 15 de xaneiro de 2002 desta dirección xeral, polo que se establece o procedemento de tramitación de urxencia no procedemento de avaliación de efectos ambientais do citado proxecto, reducíndose á metade os prazos de tramitación, o órgano ambiental somete o estudio de impacto ambiental ó trámite de información pública mediante anuncio no Diario Oficial de Galicia, durante o prazo de 10 días.
Na súa virtude,
RESOLVO:
Primeiro.-Someter a información pública, o estudio de efectos ambientais do proxecto de planta de reciclaxe, clasificación, almacenamento e comercialización de materiais sólidos inertes da construcción e demolición en Ponte Caldelas.
Segundo.-Para os devanditos efectos informativos, porase á disposición dos administrados exemplares nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente da provincia de Pontevedra.
-Concello de Ponte Caldelas.
Terceiro.-As alegacións formularanse durante o prazo de dez (10) días, contados a partir do seguinte día á publicación desta resolución no Diario Oficial de Galicia.
Santiago de Compostela, 15 de xaneiro de 2002.
José Luis Díez Yáñez
Director xeral de Calidade e Avaliación Ambiental