De conformidade co acordo adoptado pola Comisión de Goberno, en sesión do 28 de novembro, e co disposto nos artigos 78 e 159 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, anúnciase o concurso para a adxudicación do servicio de cafetería do Centro Sociocultural, Xuvenil e da Terceira Idade.
1. Entidade adxudicadora: Concello de Riotorto.
2. Obxecto do contrato:
a) Descrición: é obxecto deste concurso a concesión da explotación do servicio de cafetería do Centro Sociocultural, Xuvenil e da Terceira Idade.
b) Lugar de execución: o servicio prestarase nas dependencias e lugares sinalados no prego de condicións técnicas.
c) Prazo de execución: a duración da concesión será por cinco anos contados a partir da data de formalización do contrato, e poderase prorrogar por outros cinco máis.
3. Tramitación, procedemento e forma de adxudicación: a tramitación será ordinaria, polo procedemento aberto e forma de concurso.
4. Canon: establécese a cantidade de 1.562 euros anuais máis o IVE correspondente.
5. Garantías: non se esixe garantía provisional; a definitiva será do 4% do importe da adxudicación.
6. Documentación: a documentación e a información facilitarase ata o día anterior ó da data de finalización do prazo de presentación das ofertas, nas oficinas municipais, sitas na praza das Rodrigas nº 1, 27744 Riotorto. Tfno.: 982 34 62 22 e 982 34 64 18. Fax: 988 34 60 33.
7. Clasificación do contratista: non se esixe.
8. Presentación de ofertas: presentaranse na secretaría municipal durante o prazo de vinteseis días naturais, das 10 ás 14 horas, contados desde o seguinte ó da publicación deste anuncio no BOP e no Diario Oficial de Galicia.
9. Proposicións e documentación complementaria: a esixida na cláusula 7 do prego de condicións administrativas.
10. Apertura de plicas: terá lugar ás doce horas do seguinte día hábil ó de terminación do prazo de presentación de proposicións; se este fose sábado realizarase o seguinte día hábil.
11. Criterios que servirán de base para a adxudicación:
-Experiencia profesional, ata un máximo de 35 puntos.
-Prestacións complementarias que poidan constituír mellora na prestación do servicio, ata un máximo de 25 puntos.
-Canon anual que hai que satisfacer, ata un máximo de 15 puntos.
-Mobiliario, vaixela e outro material que se vai instalar, ata un máximo de 10 puntos.
-Abaratamento de prezos, ata 10 puntos.
12. Gastos: o contratista queda obrigado ó pagamento do importe dos anuncios e de cantos outros gastos se ocasionen, de conformidade co establecido nos pregos de cláusulas administrativas.
Riotorto, 16 de xaneiro de 2002.
José López Cabodevila
Alcalde