Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1995/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición da autorización administrativa de instalación eléctrica que se describe:
Solicitante: Sogama.
Domicilio social: Morzós, 10 baixo, As Encrobas-Cerceda.
Denominación: planta coxeneración de biogás.
Situación: Cerceda (A Coruña).
Características técnicas:
Planta de coxeneración eléctrica constituída por tres motores alimentados por biogás cunha potencia de 756 kWe cada un, e tres alternadores cunha potencia de 1.010 KVA e factor de potencia 0,8 cada un. Centro de transformación de 3.750 kVA e tensións de 0,400/15-20 kV. Aparellos de protección, mando, sinalización e medida.
Todas aquelas persoas ou entidades que se consideren afectadas poderán examina-lo expediente e presenta-las súas alegacións, nesta delegación provincial, sita no edificio administrativo de Monelos, s/n, 15071 A Coruña, no prazo de vinte días a partir da última publicación.
A Coruña, 16 de xaneiro de 2002.
Jesús Espada Martínez
Delegado provincial da Coruña