De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), notifícaselles ás persoas que nos anexos se mencionan a incoación de expediente sancionador por presuntas infraccións á Lei 7/1992, do 24 de xullo, de pesca fluvial (DOG nº 151, do 5 de agosto) e do seu regulamento, aprobado polo Decreto 130/1997, do 14 de maio (DOG nº 106, do 4 de xuño).
Noméase instructora dos expedientes a Miriam Areal López, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación, para que poidan examina-los expedientes nesta delegación provincial, sita na rúa do Paseo, nº 18-5º, e achega-las alegacións, documentos e informacións que consideren convenientes na súa defensa e, se é o caso, propoñer proba concretando os medios de que pretenden valerse.
De non efectuaren ningunha alegación no prazo fixado, este acordo de incoación poderá ser considerado proposta de resolución, conforme o esta
blecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto.
Ourense, 12 de decembro de 2001.
Agustín Prado Verdeal
Delegado provincial de Ourense
ANEXO I
-Expediente: OU-167/2001P.-Denunciado: Tomás Rodríguez Justo.-DNI: 76704967.-Último enderezo coñecido: Alameda, 37, Verín (Ourense).-Feito denunciado: pescar empregando cebo natural (Asticot), prohibido desde o 15 de xullo fóra dos encoros do anexo IV da Orde do 20 de xaneiro de 2000.-Precepto infrinxido e sancionador: artigo 33.9º da Lei de pesca fluvial.-Cualificación da infracción: leve.-Sanción: multa de 5.000 pesetas.-Instructora: Miriam Areal López
-Expediente: OU-171/2001P. -Denunciado: José Carlos Feijóo Sousa.-DNI: 8215504.-Último enderezo coñecido: Santa María Maior. Chaves (Portugal).-Feito denunciado: pescar empregando cebo natural (Asticot), prohibido desde o 15 de xullo fóra dos encoros do anexo IV da Orde do 20 de xaneiro de 2000.-Precepto infrinxido e sancionador: artigo 33.9º da Lei de pesca fluvial.-Cualificación da infracción: leve.-Sanción: multa de 5.000 pesetas.-Instructora: Miriam Areal López.