O conselleiro da Presidencia, Relacións Institucionais e Administración Pública dictou, con data do 11 de xaneiro de 2001, resolucións estimatorias dos recursos formulados por Mª Inmaculada López Prada e Carmen Suárez Blanco, contra a Resolución do 23 de outubro de 2001, pola que se fan públicas as listas definitivas, reguladas no Decreto 89/1997, do 10 de abril, para a cobertura con carácter temporal de postos de traballo incluídos nas relacións de postos de traballo do corpo de xestión de administración da Xunta de Galicia, grupo B, de conformidade co punto quinto da Resolución do 23 de outubro de 2001 (DOG nº 211, do 31 de outubro), lista B.

Dado que o carácter das resolucións é estimatorio das peticións dos interesados, procede dárlle-la debida publicidade ás modificacións provocadas por estas nas listas publicadas por Resolución do 23 de outubro de 2001, no sentido de que deben figurar

na lista B para a cobertura con carácter temporal de postos correspondentes ó corpo de xestión de administración da Xunta de Galicia, cos datos seguintes:

Mª Inmaculada López Prada, DNI:33304630, lista B, puntuación: 2,750 puntos, no posto número 133 para o ámbito D0000, no posto nº 101 para o ámbito D1500, no posto nº 78 para o ámbito D2700, no posto nº 63 no ámbito D3200 e no posto número 89 para o ámbito D3600.

Carmen Suárez Blanco, DNI: 52435658, lista B, puntuación: 3,25 puntos, no posto número 69 para o ámbito D0000, no posto nº 51 no ámbito D1500 e no posto número 43 para o ámbito D3600.

En consecuencia, varíase correlativamente a orde de prelación dos solicitantes posteriores incluídos na lista correspondente.

Esta resolución non afecta as modificacións e/ou exclusións producidas como consecuencia da propia xestión das listas.

Contra esta resolución, que pon fin á vía administrativa, os interesados poderán interpoñer, con carácter potestativo, recurso de reposición perante o conselleiro da Presidencia, Relacions Institucionais e Administración Pública no prazo dun mes contado desde o día seguinte ó da publicación desta resolución no Diario Oficial de Galicia, ou, directamente, o recurso contencioso-administrativo, no prazo de dous meses contados desde o día seguinte ó da súa publicación, perante o Xulgado do Contencioso-Administrativo de Santiago de Compostela, conforme o artigo 14.2º da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 11 de xaneiro de 2002.

Joaquín López-Rúa Soler

Director xeral da Función Pública