Por Orde do 1 de marzo de 2001 (DOG nº 49, do 9 de marzo), a Consellería de Xustiza, Interior e Relacións Laborais anunciou medidas de apoio á protección civil de Galicia, consistentes na cesión de vehículos especialmente preparados para o exercicio das súas funcións.

Segundo o disposto na disposición adicional desta orde, na que se establecía que a contribución compensatoria realizada polos beneficiarios segundo o disposto no artigo 7.2º a) podería xerar créditos no estado de gastos do orzamento desta consellería, que poderían ser utilizados na adquisición e adxudicación de máis vehículos.

RESOLVO:

Primeiro.-Conceder con cargo á aplicación orzamentaria 13.04.231A.624.1, dos orzamentos xerais da Comunidade Autónoma de Galicia para 2001, a cesión en propiedade dun vehículo modelo Nissan Patrol longo, teito alto, 4 cilindros, turbo diésel, equipado para misións de protección civil ós concellos de Portas e Xinzo de Limia, unha vez verificados os requisitos establecidos pola Orde do 1

de marzo de 2001 (DOG nº 49, do 9 de marzo), ó abeiro da cal presentaron a súa correspondente solicitude.

Segundo.-Notifica-lo contido desta resolución ó concello beneficiario, especificando as condicións particulares que deberán cumprir e que se formalizarán mediante convenio no que constará o acordo da cesión e a aceptación do cesionario.

Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes contado a partir do día seguinte ó da publicación desta orde, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ó da publicación desta orde. En todo caso non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.

Santiago de Compostela, 30 de novembro de 2001.

Antonio Pillado Montero

Conselleiro de Xustiza, Interior e Relacións Laborais