A Fundación Pública Urxencias Sanitarias de Galicia-061 anuncia a convocatoria pública dos seguintes postos para a contratación indefinida do seu cadro de persoal, de acordo coas seguintes bases:
Formadores. (FPII, BUP ou equivalente) Ref.: FM.
* Dominio de Microsoft Office a nivel usuario.
* Coñecementos de galego.
* Coñecemento do sector sanitario público.
Valorarase:
* Titulación superior.
* Experiencia acreditada en supervisión, formación e/ou organización de equipos de traballo en centrais telefónicas de coordinación de urxencias sanitarias ou en departamentos de apoio a estas.
Presentación de solicitudes:
Os interesados que cumpran os requisitos esixidos deberán remiti-lo seu currículum, coa referencia que se indique, dirixido ó apartado de correos nº 5.195 Vigo-36200, antes do 21 de xaneiro de 2002. Deberá presentarse copia cotexada dos certificados de servicios prestados, dos diplomas acreditativos de cursos e do título mínimo esixido.
Inicio das probas:
O exame teórico/práctico non se realizará antes dun mes desde que se publique esta convocatoria, de acordo co disposto no artigo 4 da Lei 10/1996. Os baremos estarán á disposición dos interesados no taboleiro de anuncios da fundación e tamén se poderán solicitar no nº de fax 981 54 67 28.
Santiago de Compostela, 3 de xaneiro de 2002.
Mª Rosa Álvarez de Blas
Directora de Xestión e Servicios Xerais
da Fundación Pública Urxencias Sanitarias
de Galicia-061