En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que, no correspondente servicio desta dirección xeral, foron depositados a acta de constitución e os estatutos da organización sindical Médicos de Galicia Independientes (Omega), que ten os seguintes ámbitos.
Territorial: Comunidade Autónoma de Galicia.
Profesional: poderán ser membros da organización os rexistrados como sindicatos profesionais de calquera das catro provincias galegas, así como as asociacións profesionais de médicos e titulados superiores con vinculación na sanidade autonómica, e o seu ámbito territorial estea en Galicia.
Asinan a acta de constitución: Francisco Javier Refojos Giráldez e Benigno J. Villoch Salgueiro, presidente e secretario, respectivamente, en representación da Asociación de Médicos de Urgencias Extrahospitalarias de Galicia (Muega), e dúas persoas máis, presidente e secretario, representando ó Sindicato Médico Profesional de Pontevedra.
Santiago de Compostela, 18 de decembro de 2001.
José Vázquez Portomeñe
Director xeral de Relacións Laborais