Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T.C., R.B.T.A. Franco.

Situación: Abegondo.

Características técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3(1x95) mm de Al, de 875 m de lonxitude, con orixe na liña existente nas inmediacións do C.T. Montouto Igrexa e C.T. Franco, ambos a instalar.

Centros de transformación tipo caseta prefabricada, de 160 kVA cada un e tensións de 15/0.380-0.220 kV, en Montouto Igrexa Franco dos que parten redes de baixa tensión sobre apoios de formigón e conductor R.Z. de 385 m de lonxitude. Concello de Abegondo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 8 de novembro de 2001.

Jesús Espada Martínez

Delegado provincial da Coruña