A Consellería de Economía e Facenda anuncia concurso público por procedemento aberto e tramitación ordinaria, expediente de tramitación anticipada de gasto para a contratación dunha asistencia técnica para a elaboración do inventario dos bens mobles
a que fai referencia o artigo 151 e) do Regulamento do patrimonio e unha guía de procedementos.
1. Entidade adxudicadora.
a) Organismo: Consellería de Economía e Facenda.
b) Dependencia que tramita o expediente: Secretaría Xeral e do Patrimonio.
c) Número de expediente: 38/2001.
2. Obxecto do contrato.
a) Tipo de contrato: asistencia técnica.
b) Descrición do obxecto: asistencia técnica para a elaboración do inventario dos bens mobles a que fai referencia o artigo 151 e) do Regulamento do patrimonio e unha guía de procedementos.
c) Prazo de execución: seis meses.
3. Tramitación, procedemento e forma de adxudicación.
a) Tramitación: ordinaria (anticipada de gasto).
b) Procedemento: aberto.
c) Forma: concurso público.
4. Orzamento base de licitación.
Importe total: noventa mil cento cincuenta e un euros con oitenta e dous céntimos (90.151,82 euros ou 15.000.000 de pesetas) IVE incluído.
5. Garantías.
Provisional: 1.803,04 euros ou 300.000 pesetas.
Definitiva: 4% do importe de adxudicación.
6. Obtención de documentación e información.
a) Entidade: Secretaría Xeral e do Patrimonio, Servicio de Xestión Económica e Control Orzamentario.
b) Enderezo: rúa San Caetano, s/n.
c) Localidade e código postal: Santiago de Compostela, 15704.
d) Teléfono: 981 54 41 47.
e) Telefax: 981 54 41 25.
f) Data límite de obtención de documentación e información: será a mesma que para a presentación de proposicións.
7. Requisitos específicos do contratista.
A xustificación da solvencia económica realizarase por algún dos medios sinalados no artigo 16 do Real decreto lexislativo 2/2000, do 16 de xuño. A xustificación da solvencia técnica, segundo se indica no artigo 18 da mesma norma.
8. Presentación das ofertas.
a) Data límite de presentación: 15 días naturais que se contarán a partir do seguinte ó da publicación desta resolución no DOG.
b) Documentación a presentar: a indicada nas cláusulas 5.3, 5.4 e 5.5 do P.C.A.P.
c) Lugar de presentación: no rexistro xeral da Consellería de Economía e Facenda, ou por correo, na forma establecida no artigo 100 do Regulamento xeral de contratación do Estado, rúa San Caetano, s/n, 15704 Santiago de Compostela.
d) Admisión de variantes: non se admitirá a presentación de variantes ou alternativas.
9. Apertura das ofertas.
a) Entidade: Consellería de Economía e Facenda, rúa San Caetano, s/n, Santiago de Compostela.
b) Data e hora: ás 12 horas do quinto día natural, que non coincida en sábado ou día inhábil, seguinte ó de remate do prazo de presentación das proposicións.
10. Gastos de anuncios: por conta do adxudicatario.
Santiago de Compostela, 19 de novembro de 2001.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda