Por Resolución do 31 de outubro de 2001da Dirección Xeral para a Administración Local do Ministerio de Administracións Públicas, (BOE nº 278, do 20 de novembro), convocouse concurso unitario para a provisión de postos de traballo reservados a funcionarios de Administración local con habilitación de carácter nacional.
Segundo o establecido no punto 3º do artigo 13 da Orde do 10 de agosto de 1994, do Ministerio para as Administracións Públicas, pola que se dictan normas sobre concursos de provisión de postos reservados a funcionarios de Administración local con habilitación de carácter nacional, esta consellería,
DISPÓN:
Publica-las bases do concurso unitario para a provisión de postos de traballo vacantes de Administración local con habilitación de carácter nacional correspondentes ó ámbito territorial da Comunidade Autónoma de Galicia.
Santiago de Compostela, 19 de novembro de 2001.
Jaime Pita Varela
Conselleiro da Presidencia e Administración Pública
Primeira.-Postos vacantes.
Teñen a consideración de postos vacantes para efectos deste concurso, e polo tanto ofrécense no anexo I:
-Os postos que estando vacantes a data do 10 de febreiro de 2001, non se incluíron na convocatoria anual do concurso ordinario, efectuada mediante Resolución do 30 de abril de 2001 da Dirección Xeral para a Administración Local (BOE do 22 de maio), así como os que, aínda convocándose, non os adxudicaron as corporacións por causas imputables a estas.
-Os postos vacantes con posterioridade á data do 10 de febreiro de 2001, dos que as respectivas corporacións acordaron a inclusión neste concurso unitario de acordo co previsto no parágrafo 2º do artigo 25 do Real decreto 1732/1994, do 29 de xullo.
Non se ofrecen en cambio:
-Os postos vacantes con posterioridade á data do 10 de febreiro de 2001, dos que as corporacións non acordaron a súa inclusión neste concurso unitario, xa que sendo esta a data límite para remitir ás comunidades autónomas as convocatorias do concurso ordinario de 2001, con ela remata a obrigatoriedade de ofrece-las vacantes no dito concurso, sendo obrigatorio só ofrecelas no seguinte concurso ordinario, é dicir no de 2002.
-Os postos vacantes que sendo convocados no concurso ordinario, non se adxudicaron por causas non imputables ás corporacións.
Segunda.-Participación.
1. Poderán participar neste concurso os funcionarios con habilitación de carácter nacional, pertencentes ás subescalas a que se refire o artigo 20 do Real decreto 1174/1987, do 18 de setembro, podendo solicitar soamente os postos que, segundo a súa clasificación, correspondan ás subescalas e categorías á que pertencen.
Poderán participar, así mesmo, os funcionarios non integrados en ditas subescalas e categorías, pertencentes ós extinguidos corpos nacionais de secretarios, interventores e depositarios da Administración local a que se refire a disposición transitoria primeira, 1, do Real decreto 1174/1987, do 18 de setembro, nos termos seguintes:
-Os secretarios de primeira, a postos reservados á subescala de secretaría, categoría superior.
-Os secretarios de segunda, a postos reservados á subescala de secretaría, categoría de entrada;.
-Os secretarios de terceira, a postos reservados á subescala de secretaría-intervención.
-Os secretarios de concellos a extinguir, a secretarías de concellos con poboación que non exceda de 2.000 habitantes.
-Os interventores, a postos reservados á subescala de intervención-tesourería, categoría superior, pero únicamente a postos de intervención.
-Os depositarios, a postos reservados á subescala de intervención-tesourería, pero unicamente a postos de tesourería.
2. Os funcionarios con nomeamento provisional e os que se atopen en expectativa de nomeamento están obrigados a solicita-la totalidade de postos correspondentes á súa subescala e categoría. Tamén o están aqueles que se atopen en calquera das circunstancias a que se refire o artigo 53.2º do Real decreto 1174/1987, do 18 de setembro, os que cesasen na situación de servicios especiais e non tivesen reserva de praza, e os que se promocionasen á categoría superior nos termos do artigo 24.2º do mesmo real decreto.
Os funcionarios ós que se refire este punto, que non soliciten tódolos postos correspondentes á súa subescala e categoría, entenderase que renuncian a establece-la orde de prelación respecto ós postos que non relacionen, en favor do tribunal de valoración, que poderá adxudicarlles, se é o caso, calquera deles.
3. Non poderán concursar:
a) Os funcionarios inhabilitados e os suspensos en virtude de sentencia ou resolución administrativa firme, se non transcorrese o tempo sinalado nelas.
b) Os funcionarios destituídos a que se refire o artigo 148.5º do texto refundido das disposicións legais vixentes en materia de réxime local, aprobado por Real decreto lexislativo 781/1986, do 18 de abril, durante o período a que se estenda a destitución.
c) Os funcionarios na situación de excedencia voluntaria a que se refire o artigo 29º.3º.c) e d), da Lei de medidas para a reforma da función pública, se non transcorrese o prazo de dous anos desde a declaración de excedencia.
d) Os funcionarios que non leven dous anos no último destino obtido con carácter definitivo en calquera Administración pública, agás que concursen a postos reservados á súa subescala e categoría na mesma corporación ou se encontren nos supostos do artigo 20.1º.f), da Lei de medidas para a reforma da función pública.
Terceira.-Documentación e prazo para participar.
1. No prazo de 15 días naturais a partir da publicación desta resolución no Boletín Oficial del Estado, os funcionarios con habilitación de carácter nacional que desexen tomar parte neste concurso dirixirán á Subdirección Xeral de Función Pública Local (Rexistro de Entrada de Documentos do Ministerio para as Administracións Públicas, praza de España, 17. 28071 Madrid, a seguinte documentación:
-Solicitude de participación con expresión individualizada de tódolos postos a que concursan e declaración xurada de non estar incurso en ningunha das circunstancias a que se refire o artigo 18.3º do Real decreto 1732/1994, do 29 de xullo. A especificación de postos solicitados farase pola orde de prelación de adxudicacións, con carácter único para a totalidade de postos que se soliciten. A unicidade da orde de prelación manterase incluso no suposto
de solicitar postos de varias subescalas e categorías se a pertenza do concursante a estas o permitise.
-Documentación acreditativa do coñecemento da lingua propia e méritos de determinación autonómica nos termos e para os postos situados en comunidades autónomas que os establecesen, de acordo co especificado na base quinta.
2. Se se solicitasen exclusivamente postos do País Vasco, la documentación dirixirase á Comunidade Autónoma, (Dirección Xeral de Administración Local, r/ Donostia, San Sebastián, s/n, 01010, Vitoria-Gasteiz (Álava).
3. A documentación indicada presentarase de acordo cos modelos que se xuntan ó anexo II.
4. Os requisitos esixidos, así como os méritos alegados deberán reunirse á data da presente resolución.
Cuarta.-Méritos xerais.
O méritos xerais polos que se rexe este concurso son os comprendidos na resolución desta mesma data desta dirección xeral, pola que se dá publicidade á relación individualizada de méritos xerais dos habilitados nacionais.
Quinta.-Coñecemento da lingua propia e méritos de determinación autonómica.
O coñecemento da lingua e méritos de determinación autonómica serán esixidos nos termos en que, para cada Comunidade Autónoma, se detallan a seguir:
I. Méritos de determinación autonómica da Comunidade Autónoma de Galicia.
(Decreto 136/1997, do 5 de xuño de 1997).
1. Méritos polo coñecemento das especialidades da organización territorial e da normativa de Galicia.
Os méritos correspondentes ó coñecemento das especialidades da organización territorial e da normativa de Galicia ós que, de conformidade co establecido no artigo 99.1º da Lei 7/1985, do 2 de abril, atribúese o 10% da puntuación total posible nos concursos para a provisión de postos de traballo de funcionarios da Administración local con habilitación de carácter nacional, son os seguintes:
Experiencia profesional: consistente no exercicio de funcións na Administración autonómica ou nas entidades locais de Galicia, que impliquen o coñecemento das especialidades da organización territorial e da normativa de Galicia.
Cursos de formación e perfeccionamento superados, homologados ou recoñecidos pola Escola Galega da Administración Pública e que teñan por obxecto a aprendizaxe das especialidades da organización territorial e da normativa de Galicia.
Actividade docente: dirixida ó ensino das materias sobre organización territorial e normativa de Galicia, réxime local, urbanismo e réxime económico financeiro das entidades locais en cursos organizados pola EGAP ou en colaboración con esta.
Publicacións: en materias relativas ás especialidades de organización territorial e da normativa de Galicia.
2. Valoración de méritos.
A proporción que corresponde a cada unha das clases de méritos expresados no artigo anterior, dentro da porcentaxe do 10% da puntuación total posible asignada para o coñecemento das especialidades autonómicas, que é de 3 puntos, é a seguinte:
Experiencia profesional: ata un 30% do total de puntos que, na puntuación total, correspondan ó 10% atribuído ós méritos polos coñecementos das especialidades autonómicas.
Cursos de formación e perfeccionamento: ata un 50% do total de puntos que, na puntuación total, correspondan ó 10% atribuído ós méritos polos coñecementos das especialidades autonómicas, en función do nivel académico do curso.
Actividade docente: ata un 10% do total de puntos que, na puntuación total correspondan ó 10% atribuído ós méritos polos coñecementos das especialidades autonómicas.
Publicacións: ata un 10% do total de puntos que na puntuación total, correspondan ó 10% atribuído ós méritos polos coñecementos das especialidades autonómicas.
3. Regras para a puntuación de méritos.
Experiencia profesional: os servicios prestados valoraranse da seguinte forma:
-Servicios prestados en postos de traballo do mesmo grupo ou superior de funcionarios co correspondente á subescala á que se concursa: 0,02 puntos/mes.
-Servicios prestados en postos de traballo asignados ó grupo de funcionarios inmediatamente inferior á subescala á que se concursa: 0,01 puntos/mes.
Máximo: 0,90 puntos.
Cursos de formación e perfeccionamento: a valoración dos cursos, con exclusión dos que formen parte dos procesos selectivos correspondentes, efectuarase da forma seguinte:
Teranse en conta, unicamente, os cursos impartidos pola EGAP ou, en colaboración con esta, polas universidades, centros de ensino superior ou outros órganos competentes en materia de formación e perfeccionamento dos funcionarios, sempre que sexan homologados pola EGAP, para efectos deste artigo.
A puntuación de cada curso dentro da escala de 0,10 a 1,5 será establecida pola EGAP en función da relación da materia impartida coas funcións reservadas ós funcionarios con habilitación nacional, o grao de dificultade do curso, o número de horas lectivas e o sistema de avaliación.
As convocatorias dos cursos formuladas pola EGAP indicarán a puntuación outorgada para os efectos deste precepto.
Para o suposto de que a puntuación dos cursos non estivese determinada nas súas convocatorias, a valoración farase exclusivamente respecto daqueles cursos nos que a materia impartida teña relación coas funcións reservadas ós funcionarios con habilitación de carácter nacional, da forma seguinte:
-Cursos con certificado de asistencia: 0,10 puntos por curso.
-Cursos con certificado de aproveitamento de ata 40 horas: 0,20 puntos por curso.
-Cursos con certificado de aproveitamento de máis de 40 horas: 0,40 puntos por curso.
Non se valorarán os diplomas relativos á celebración de xornadas, seminarios, simposios e semellantes.
Máximo: 1,5 puntos.
Actividade docente: valorarase cun máximo de 0,30 puntos, a razón de 0,01 puntos por hora impartida en cursos, excluíndose xornadas, seminarios, simposios ou semellantes.
Publicacións de monografías ou artigos sobre materias relativas ás especialidades da organización territorial e da normativa de Galicia. Por cada monografía: 0,10 puntos; por cada artigo 0,05 puntos. A puntuación máxima será de 0,30 puntos. Só se valorarán as monografías ou artigos aparecidos en publicacións con ISBN ou ISSN.
4. Acreditación de méritos.
Os concursantes acreditarán os méritos que aleguen mediante a presentación do certificado correspondente ou a copia do título debidamente compulsada.
5. Valoración dos méritos polos tribunais.
O tribunal de valoración do concurso comprobará e valorará os méritos alegados de acordo coas regras e as puntuacións establecidas neste decreto.
Sexta.-Tribunal de valoración.
1. O tribunal de valoración deste concurso será o seguinte:
Presidente titular:
Sonia Ramos Piñeiro.
Presidente suplente:
Ana Mª García Fernández.
Vocais titulares:
Victoria Rodríguez Cativiela.
Francisco Javier Ramos García.
José Luis Sánchez Santiago.
Teresa Rosselli Fossas.
Bernabé Esteban Ortega.
Antonio Jover Pérez.
Ángel Dolla Cuartero.
Augusto Martín Agudo.
Dolores Hernández Herrera.
Jenaro Conde Rebollar.
Mª Teresa Morant Ventura.
José Mª Endemaño Aróstegui.
Pedro Antonio Mas Cladera.
Loreto Díaz Sánchez.
Jesús González Pueyo.
José Manuel García Gallo.
Bartolomé Pinilla Piñero.
Vocales suplentes:
Aurora Molina Ferrero.
Carlos Chávarri Sáinz.
Mercedes Lardiés Ruiz.
Soraya Rodríguez López.
Antonio Meneses Tocino.
Lluis Calsina i Vallés.
Blanca Rosa Martín Orad.
César García-Monge Herrero.
Aurora Pérez Álvarez.
Jose Luis Aguirre Arratibel.
María Alonso Díaz.
Francisco Martorell Massot.
J. Ramón Pardo Cabarcos.
Pilar Fernández Quiles.
Pedro Antonio Martín Perez.
Javier Endériz Bonnet.
Belen Guirau Morales.
Secretario titular:
Antonio Calderón López.
Secretario suplente:
Mercedes Martín Sánchez.
Sétima.-Exclusión de concursantes e Valoración de méritos.
1. O tribunal de valoración excluirá ós concursantes que non reúnan as condicións de participación sinaladas na base segunda, ou de se-lo caso, o requisito de lingua.
A continuación puntuará os méritos dos concursantes non excluídos, do seguinte xeito:
-A puntuación por méritos xerais, ata un máximo de 19,50 puntos, deducidos da relación incluída na resolución publicada conxuntamente con esta convocatoria, non sendo posible ningunha acreditación adicional por parte dos concursantes nin valoración distinta por parte do tribunal.
-A valoración de méritos de determinación autonómica, ata un máximo de 3 puntos, de acordo coa documentación achegada polos concursantes conforme as regras específicas de cada Comunidade Autónoma.
-Respecto dos postos sen méritos de determinación autonómica, o tribunal puntuará exclusivamente os xerais ata un máximo de 19,50 puntos.
2. En caso de empate na puntuación final de méritos de dous ou máis concursantes, o tribunal dará prioridade na proposta de adxudicación a aquel que obtivera maior puntuación por méritos de determinación autonómica. De persisti-lo empate, a favor de quen en méritos xerais teña maior puntuación
nas alíneas a), b), c), d) e e), pola dita orde, do artigo 15.1º do Real decreto 1732/1994, do 29 de xullo. En última instancia o empate resolverase baseándose na orde de prelación no proceso selectivo, tendo preferencia os aspirantes que accedesen polo sistema de promoción interna sobre os de acceso libre. .
Oitava.-Proposta de resolución.
Trala exclusión e puntuación de concursantes, o tribunal formulará relación comprensiva dos non excluídos coas súas puntuacións, así como relación fundada de excluídos. De acordo coas puntuacións, e coa orde de prelación para o suposto de concursantes que obteñan a máxima puntuación en dous ou máis postos, o tribunal formulará e elevará a esta dirección xeral proposta de adxudicación de postos.
Novena.-Resolución.
Esta dirección xeral resolverá o concurso de acordo coa proposta formulada polo tribunal de valoración, remitindo ás comunidades autónomas e publicándoo no prazo dun mes no Boletín Oficial del Estado.
Décima-Prazo posesorio.
1. O prazo de toma de posesión nos destinos obtidos no concurso será de tres días hábiles se se trata de postos de traballo da mesma localidade ou dun mes se se trata do primeiro destino ou de postos de traballo en localidade distinta.
O dito prazo empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución do presente concurso no Boletín Oficial del Estado.
Se a resolución comporta o reingreso ó servicio activo, o prazo de toma de posesión deberá computarse desde a dita publicación.
2. O cómputo de prazos posesorios iniciarase cando rematen os permisos ou licencias que, se é o caso, fosen concedidos ós interesados.
3. Por necesidades do servicio, mediante acordo dos presidentes das corporacións nas que teña que cesar e tomar posesión o concursante, poderase diferi-lo cesamento e a toma de posesión ata un máximo de tres meses, debendo o segundo deles dar conta de tal acordo a esta dirección xeral.
Excepcionalmente, por instancia do interesado e por razóns xustificadas, poderá tamén diferirse a toma de posesión, por igual prazo, por acordo entre os presidentes respectivos dando conta a esta dirección xeral.
Décimo primeira.-Irrenunciabilidade e voluntariedade dos destinos.
1. Os destinos adxudicados serán irrenunciables, desde o momento en que o tribunal formule a proposta de adxudicación de postos.
2. Os destinos obtidos neste concurso terán carácter voluntario, non xerando en consecuencia dereito ó aboamento de indemnización por traslado.
Décimo segunda.-Notificación de ceseamentos e tomas de posesión.
1. As dilixencias de cesamento e toma de posesión dos concursantes que accedan a un posto de traballo, de acordo coa resolución do concurso, deberán ser comunicadas a esta dirección xeral e á comunidade autónoma respectiva, dentro dos tres días hábiles seguintes a aquel en que se produzan.
2. A toma de posesión determina a adquisición dos dereitos e deberes funcionariais inherentes ó posto, pasando a depende-lo funcionario da correspondente corporación.
Décimo terceira.-Normas para a Comunidade Autónoma do País Vasco.
As institucións forais procederán á resolución do concurso e á súa remisión á Comunidade Autónoma.
O órgano competente da Comunidade Autónoma do País Vasco e a Dirección Xeral para a Administración Local, efectuarán a coordinación precisa para evita-los nomeamentos múltiples nos supostos en que os interesados obteñan simultaneamente postos en corporacións locais da Comunidade Autónoma do País Vasco e dalgunha outra.
Décimo cuarta.-Recursos.
Contra esta resolución, que pon fin á vía administrativa, poderase interpor, potestativamente, recurso de reposición, no prazo dun mes, perante esta dirección xeral, ou recurso contencioso-administrativo no prazo de dous meses perante o Tribunal Superior de Xustiza de Madrid, de conformidade co disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, así como nos artigos 10.i) e 14.2 da Lei 29/1998, do 13 de xullo, reguladora da xurisdicción contencioso-administrativa, e sen prexuízo de calquera outro recurso que se puidera interpor.
ANEXO I
COMUNIDADE AUTONOMA DE GALICIA
PROVINCIA LOCALIDADE CODIGO
AGRUP. INTERV. CLASE 2ª LUGO CASTRO DE REY 2710001 OURENSE RUA, A 3270002 PONTEVEDRA COTOBADE 3612002
AGRUPACION SECRETARIA CLASE 2ª OURENSE RUA, A 3270001
AGRUP. SECRETARIA CLASE 3ª LUGO OUROL 2737001
INTERVENCION CLASE 1ª CORUÑA, A BETANZOS 1509001 CORUÑA, A FENE 1534001 CORUÑA, A ORTIGUEIRA 1560001 CORUÑA, A PONTES DE GARCIA RGUEZ, AS 1569001 CORUÑA, A RIBEIRA 1572001 LUGO MONFORTE DE LEMOS 2730001 LUGO RIBADEO 2750001 OURENSE BARCO DE VALDEORRAS, O 3209001 PONTEVEDRA CANGAS 3608001 PONTEVEDRA ESTRADA, A 3617001
PROVINCIA LOCALIDADE CODIGO
PONTEVEDRA GROVE, O 3622002 PONTEVEDRA LALIN 3624001 PONTEVEDRA MOS 3633001 PONTEVEDRA PONTEAREAS 3642001 PONTEVEDRA TUI 3654001
INTERVENCION CLASE 2ª CORUÑA, A ABEGONDO 1501001 CORUÑA, A AMES 1502001 CORUÑA, A ARZUA 1506001 CORUÑA, A BAÑA, A 1507002 CORUÑA, A BRION 1513001 CORUÑA, A CABANA DE BERGANTIÑOS 1514001 CORUÑA, A CAMARIÑAS 1516001 CORUÑA, A CARIÑO 1519502 CORUÑA, A CEDEIRA 1522002 CORUÑA, A CEE 1523001 CORUÑA, A FISTERRA 1536001 CORUÑA, A MALPICA DE BERGANTIÑOS 1542002 CORUÑA, A MAZARICOS 1544001 CORUÑA, A MUROS 1552001 CORUÑA, A MUXIA 1551001 CORUÑA, A NEDA 1554001 CORUÑA, A NEGREIRA 1555001 CORUÑA, A OUTES 1561001 CORUÑA, A PADRON 1564001 CORUÑA, A POBRA DO CARAMIÑAL, A 1566002 CORUÑA, A RIANXO 1571001 CORUÑA, A ROIS 1573001 CORUÑA, A SANTA COMBA 1576002 CORUÑA, A TEO 1581002 CORUÑA, A TORDOIA 1583001 CORUÑA, A VALDOVIÑO 1586001 CORUÑA, A VAL DO DUBRA 1587001 CORUÑA, A VIMIANZO 1591002 CORUÑA, A ZAS 1592002 LUGO BURELA 2708502 LUGO CARBALLEDO 2709001 LUGO CERVO 2713001 LUGO CHANTADA 2716001 LUGO FONSAGRADA 2718002 LUGO MONDOÑEDO 2729002 LUGO PALAS DE REI 2739002 LUGO PANTON 2740002 LUGO SAVIÑAO, O 2757001 LUGO VILALBA 2764001 LUGO VIVEIRO 2765001 LUGO XOVE 2725001 OURENSE CARBALLIÑO, O 3219002 OURENSE CELANOVA 3224001 OURENSE RIBADAVIA 3268002 OURENSE VERIN 3284001 OURENSE XINZO DE LIMIA 3232001 PONTEVEDRA BUEU 3604001 PONTEVEDRA CALDAS DE REIS 3605001 PONTEVEDRA CAÑIZA, A 3609002 PONTEVEDRA CUNTIS 3615002 PONTEVEDRA MOAÑA 3629001 PONTEVEDRA MONDARIZ 3630001 PONTEVEDRA POIO 3640001 PONTEVEDRA ROSAL, O 3647002 PONTEVEDRA SALCEDA DE CASELAS 3648002 PONTEVEDRA SALVATERRA DE MIÑO 3649002 PONTEVEDRA SILLEDA 3651002 PONTEVEDRA VILA DE CRUCES 3658002 PONTEVEDRA VILABOA 3657001
OFICIAL MAIOR CLASE 2ª CORUÑA, A FERROL 1535001
SECRETARIA CLASE 1ª LUGO LUGO 2700101 PONTEVEDRA GROVE, O 3622001
SECRETARIA CLASE 2ª CORUÑA, A BAÑA, A 1507001 CORUÑA, A CARIÑO 1519501 CORUÑA, A CEDEIRA 1522001 CORUÑA, A MALPICA DE BERGANTIÑOS 1542001 CORUÑA, A NOIA 1556001 CORUÑA, A PORTO DE SON 1570001 CORUÑA, A POBRA DO CARAMIÑAL, A 1566001 CORUÑA, A SANTA COMBA 1576001 CORUÑA, A TEO 1581001 CORUÑA, A VIMIANZO 1591001 CORUÑA, A ZAS 1592001 LUGO BURELA 2708501 LUGO FONSAGRADA, A 2718001 LUGO MONDOÑEDO 2729001 LUGO PALAS DE REI 2739001 LUGO PANTON 2740001 LUGO SOBER 2758001 OURENSE CARBALLIÑO, O 3219001 OURENSE RIBADAVIA 3268001 PONTEVEDRA CAÑIZA, A 3609001 PONTEVEDRA COTOBADE 3612001 PONTEVEDRA CUNTIS 3615001 PONTEVEDRA FORCAREI 3618001 PONTEVEDRA GUARDA, A 3623001 PONTEVEDRA PONTE CALDELAS 3641001 PONTEVEDRA ROSAL, O 3647001 PONTEVEDRA SALCEDA DE CASELAS 3648001 PONTEVEDRA SALVATERRA DE MIÑO 3649001 PONTEVEDRA SILLEDA 3651001 PONTEVEDRA VILA DE CRUCES 3658001
SECRETARIA CLASE 3ª LUGO NEGUEIRA DE MUÑIZ 2734001 LUGO RIBAS DO SIL 2751001 LUGO TRABADA 2760001 LUGO VICEDO, O 2763001 OURENSE BLANCOS, OS 3212001 OURENSE MAN.INTERM.VOL.DO RIBEIRO 32C0101
TESOURERIA CORUÑA, A ORTIGUEIRA 1560002 PONTEVEDRA CANGAS 3608002 PONTEVEDRA PONTEAREAS 3642002 PONTEVEDRA TUI 3654002