Polo Decreto 38/2001, do 1 de febreiro (DOG nº 35, do 19 de febreiro) e 69/2001, do 22 de marzo (DOG nº 68, do 5 de abril) modifícase a estructura orgánica dos servicios centrais do Servicio Galego de Saúde e da Consellería de Sanidade e Servicios Sociais respectivamente, establecida polos decretos 48 e 49/1998, do 5 de febreiro.

Todo isto, así como a necesidade de adecua-lo cadro de persoal das distintas unidades administrativas afectadas pola asunción de novos programas e funcións desde as transferencias sanitarias do Insalud, fai necesario modifica-la vixente relación de postos de traballo da Consellería de Sanidade e Servicios Sociais e do Sergas, referente ó persoal da Lei 17/1989, do 23 de outubro.

En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do día 11 de decembro de 2001,

ACORDO:

Primeiro.-Modifica-la vixente relación de postos de traballo da Consellería de Sanidade e Servicios Sociais e do Servicio Galego de Saúde (Sergas), referente ó persoal dos corpos e escalas da Lei 17/1989, do 23 de outubro, nos termos que se sinalan no anexo a este acordo.

Segundo.-Ordena-la publicación de dita modificación no Diario Oficial de Galicia para efectos da súa entrada en vigor a partir do día seguinte a ela.

Visto o acordo adoptado polo Consello da Xunta de Galicia na súa reunión do 11 de decembro de 2001, relativo á modificación da relación de postos de traballo da Consellería de Sanidade e Servicios Sociais e Servicio Galego de Saúde (Sergas) referente ó persoal dos corpos e escalas da Lei 17/1989, do 23 de outubro, coa finalidade de cumpli-lo dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 12 de decembro de 2001.

Jaime Pita Varela

Conselleiro da Presidencia e Administración Pública