Ana María Carrasco García, secretaria do Xulgado de Social número catro da Coruña.
Dou fe e certifico que neste xulgado se seguen autos número 238/2001 por instancia de Jesús Iglesias Barbeito e outros contra TSP Impermeabilizaciones, S.L. sobre salarios nos que recaeu sentencia en data 24-10-2001 que, copiada nos particulares necesarios, di así:
Decido que estimando a demanda promovida por Jesús Iglesias Barbeito, Roberto Añón Castro, José Iglesias Barbeito, Rubén González Sánchez, Jorge Vales Ferreño, Juan Carlos Mejuto Paz, Luis Duro Barbeito, Felipe Duro Barbeito e María Belén Álvarez Touriñán contra a empresa TSP Impermeabilizaciones, S.L. debo condenar e condeno a demandada a que lle aboe ós demandantes as cantidades seguintes:
A Jesús Iglesias, 143.373 pesetas; a Roberto Añón, 143.373 pesetas; a José Iglesias, 155.922 pesetas; Rubén González, 143.373 pesetas; a Jorge Vales, 160.693 pesetas; a Juan Carlos Mejuto, 166.726 pesetas; a Luis Duro, 160.125 pesetas; a Felipe Duro, 182.582 pesetas; a María Belén Álvarez, 163.661 pesetas, por tódolos conceptos reclamados en demanda.
Así, por esta miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncia-lo ó recorrente, se é empresario, exhiba diante deste xulgado do Social o resgardo acreditativo de haber depositado no Banco de Bilbao Vizcaya, oficina principal desta cidade, na conta corrente deste xulgado, número 5.605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o resgardo na secretaría ó tempo de interpoñe-
lo recurso declarándose este desistido de non constituírse o dito depósito na forma indicada, definitivamente xulgando, en primeira instancia, o pronuncio, mando e asino.
E para que conste, para efectos da súa publicación no Diario Oficial de Galicia co fin de que sirva de notificación á empresa T.S.P. Impermeabilizaciones, S.L. expido e asino a presente cédula na Coruña, 31 de outubro de 2001.
O secretario xudicial
Rubricado