A Sociedade de Imaxe e Promoción Turística de Galicia, S.A., anuncia a convocatoria da contratación laboral fixa das seguintes prazas:
A.1. Posto: operador de informática (ref. OPER-FRA)
1. Funcións principais: tarefas de introducción de datos, escaneo e tratamento de imaxes e labores propios administrativos.
2. Prazas: 1 xornada completa.
3. Requisitos:
-FP II en informática ou equivalente.
-Dominio de contorno Windows, Word 2000, Excel 2000 e Acces 2000.
-Mecanografía: mínimo 200 pp.m.
4. Valorarase:
-Currículum vitae.
-Manexo de Photoshop.
-Dominio de francés, oral e escrito.
-Experiencia profesional no campo da informática.
-Coñecementos de programación en contornos Web, Java ou ASP.
5. Probas que se van realizar:
-Proba de mecanografía.
-Proba de coñecementos de contorno Windows, Word 2000, Excel 2000 e Acces 2000.
-Proba de coñecementos de Photoshop.
-Proba de coñecementos de francés.
-Entrevista persoal.
A.2. Posto: adxunto á área de feiras (ref. AF-TUR).
1. Funcións principais: baixo a supervisión do xefe de área, desempeñará labores relativos á participación en feiras nacionais e internacionais de turismo, presentacións da oferta, etc. así como a organización da documentación xerada pola área.
2. Prazas: 1 xornada completa.
3. Requisitos:
-FP II ou equivalente.
-Coñecemento específico sobre recursos turísticos de Galicia.
-Dominio de inglés, francés e galego, falado e escrito.
-Dominio de Word 2000, Excel 2000 e Access 2000.
4. Valorarase:
-Coñecemento doutros idiomas.
-Currículum vitae.
-Experiencia profesional no sector turístico.
5. Probas que se van realizar:
-Proba oral e escrita de inglés, francés e galego.
-Proba de informática (Word 2000, Excel 2000, Access 2000).
-Proba de coñecementos específicos (anexo I).
-Entrevista persoal.
A.3. Posto: adxunto área de calidade (ref. AC-TUR).
1. Funcións principais: baixo a supervisión do xefe de área, labores de apoio na xestión dos sistemas de calidade que se implantarán en establecementos galegos do sector e na elaboración de plans de formación, así como a organización da documentación xerada pola área.
2. Prazas: 1 xornada completa.
3. Requisitos:
-FP II ou equivalente.
-Experiencia mínima de 2 anos no sector turístico.
-Coñecementos de galego e inglés, falado e escrito.
-Dominio de Word 2000, Excel 2000 e Access 2000.
4. Valorarase:
-Currículum vitae.
-Formación e/ou experiencia en implantación de sistemas de calidade.
5. Probas que se van realizar:
-Proba oral e escrita de inglés e galego.
-Proba de informática (Word 2000, Excel 2000, Access 2000).
-Proba específica de coñecementos: calidade e xestión de establecementos.
-Entrevista persoal.
B.1. Documentación que se vai presentar:
-Currículum vitae.
-Fotografía tamaño carné.
-Documentación orixinal ou fotocopia compulsada que acredite a titulación esixida, así como a formación complementaria e/ou experiencia que se desexe xuntar para ser valorada.
B.2. Lugar e prazo de presentación de solicitudes:
-As solicitudes faranse chegar a Turgalicia-Área Económica e de Persoal. Estrada Santiago de Compostela-Noia, km 3 A Barcia. 15896 Santiago de Compostela, indicando no sobre a referencia do posto ó que se opta.
-O prazo de presentación de solicitudes será de 10 días naturais contados a partir do seguinte ó da publicación deste anuncio no Diario Oficial de Galicia.
C. Selección:
Expirado o prazo de presentación de solicitudes, o comité de selección designado para cada unha das prazas ofertadas publicará as listas previas de admitidos e excluídos no proceso de selección.
O mecanismo de selección de cada unha destas prazas consistirá na realización das probas especificadas nos epígrafes A.1.5., A.2.5. e A.3.5. cunha puntuación máxima do 50% sobre o total, valoración de méritos cunha puntuación máxima do 40% e unha entrevista persoal cunha puntuación máxima do 10%.
Santiago de Compostela, 6 de novembro de 2001.
Heriberto Verdes Vilaseca
Director-xerente de Turgalicia, S.A.
ANEXO I
Adxunto Área de Feiras
1. O folclore: música e traxes típicos. Romarías e festas populares. Feiras. Crenzas.
2. A gastronomía. Os viños. Principais aspectos da cociña e da viticultura de Galicia. Festas gastronómicas.
3. Áreas naturais no litoral: rías, illas e praias, zonas húmidas e areais, acantilados.
4. Áreas naturais de interior: as montañas, os vales fluviais, os bosques e lagoas.
5. Costa norte e Rías Altas. Especial significación da Costa da Morte.
6. As Rías Baixas.
7. A Galicia interior.
8. Arquitectura relixiosa en Galicia. Estilos arquitectónicos.
9. Arquitectura civil e popular. Usos e estilos.
10. Historia de Galicia. Principais fitos históricos.
11. Infraestructura turística. Turismo rural, interior e costa.
12. Infraestructura turística. Turismo de negocios e termal.
13. Rutas turísticas. Amplo coñecemento do Camiño de Santiago.