Pola presente cédula, e debido a que os debedores comprendidos na relación que se insire a continuación non puideron ser atopados nos domicilios que figuran nos rexistros deste centro ou foron alegadas distintas causas para non recibi-las notificacións polas persoas que a lexislación autoriza para facerse cargo delas, comunícase que:

Deberán ingresa-lo importe da débeda na conta bancaria 0046/0014/33/0010230081, Banco Galego, oficina principal, situada na Praza do Ferrol, nº 6 de Lugo, nos prazos sinalados no artigo 20 do Real decreto 1684/1990, do 20 de decembro, polo que se aproba o Regulamento xeral de recadación (R.X.R.).

Se se realiza o ingreso, unha vez transcorridos os prazos establecidos no devandito artigo 20 do R.X.R., esixiranse os correspondentes xuros de demora, (artigo 21 da Lei de réxime financeiro e orzamentario de Galicia ).

Transcorridos 6 meses desde a finalización sen que se producise o pagamento, iniciarase o período executivo.

Contra esta liquidación poderán interpoñer no prazo de 15 días hábiles, a partir do seguinte a esta notificación, recurso potestativo de reposición ante o órgano emisor ou reclamación económica-administrativa ante o Tribunal Económico-Administrativo da Comunidade Autónoma.

Para que conste, sirva de notificación ó interesado e en cumprimento do disposto no artigo 59.4º da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, expido, asino e selo esta cédula.

Lugo, 3 de outubro de 2001.

Fernando Varela Noreña

Director xerente do Complexo Hospitalario

Xeral-Calde de Lugo