Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 618/2001, seguidos por instancia de Antonio Bello Rey contra Aluminios Magal, S.L., sobre despedimento, nos que recaeu setencia en data 8-11-2001 que, copiada nos particulares necesarios, di así :
«Que, estimando a demanda formulada por Antonio Bello Rey, declaro a improcedencia do seu despedimento e, debido á situación de desaparecida da empresa, declaro a extinción do contrato de traballo na data da presente resolución e condeno a empresa Aluminios Magal, S.L. a que o indemnice coa cantidade de 189.868 pesetas, con aboamento en todo caso dos salarios deixados de percibir desde a data do despedimento ata a desta sentencia, que ascenden a 1.034.474 pesetas.
Notifíqueselle-la presente resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.
Prevense a empresa demandada de que para recorrer, deberá acreditar ter ingresado na c/c de consignacións, código 5604.0000.60 618-2001, do Banco Bilbao Vizcaya desta cidade, denominada conta do Xulgado do Social número tres, o importe da condena e 25.000 pesetas en concepto de depósito, requisitos sen os cales no será admitido a trámite o recurso, quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Aluminios Magal,
S.L., expido e asino esta cédula na Coruña o 8 de novembro de 2001.
O secretario xudicial
Rubricado