A Comisión de Goberno do Concello, na súa sesión do 22 de outubro de 2001, aprobou inicialmente o proxecto de urbanización do polígono A do Plan parcial do solo urbanizable non programado número 10 (SUNP-10) das Arrepentidas, promovido por Santiago Montero Viña.
O expediente sométese a información pública durante o prazo dun mes, contado desde o día seguinte ó da publicación deste anuncio no Diario Oficial de Galicia. Durante o citado prazo, os interesados poderán consulta-lo expediente na sección de Planeamento e Xestión e formular por escrito as alegacións que xulguen oportunas.
Santiago de Compostela, 13 de novembro de 2001.
Luís Toxo Ramallo
Concelleiro Delegado de Urbanismo