A Dirección Provincial do Servicio Galego de Saúde de Ourense, en virtude das atribucións que ten delegadas, de acordo co establecido no artigo 7 i da Orde do 21 de abril de 1998 (DOG nº 88, do 11 de maio), da Consellería de Sanidade e Servicios Sociais, e da autorización do director xeral de Recursos Económicos do 5 de xuño de 1998, convoca o seguinte concurso público para contratación do servicio de limpeza das dependencias da dita dirección provincial.
1. Obxecto: limpeza dos dous andares ocupados pola Dirección Provincial do Sergas en r/ Xoán XXIII, 27-29, (Ourense).
2. Tramitación, procedemento, e forma de adxudicación:
Tramitación: urxente.
Procedemento: aberto.
Forma: concurso.
3. Prazo de execución:
Desde a notificación ó adxudicatario ata o 31 de decembro do ano 2002.
4. Orzamento máximo de licitación:
Vinteún mil trinta e cinco con corenta euros (21.035,40 euros) anuais, IVE incluído (3.499.996 pesetas).
5. Garantías:
Provisional: 2% do orzamento de licitación: 420,71 euros (70.000 pesetas).
Definitiva: 4% do orzamento de licitación: 841,42 euros (140.000 pesetas).
6. Nome e enderezo do servicio ó que se pode solicita-la documentación: Servicio Galego de Saúde, Dirección Provincial de Ourense, rúa Xoán XXIII, nº 27-2ª planta (Secretaría Provincial). Teléfono: 988 38 59 44. Fax: 988 38 55 60.
7. Presentación de ofertas:
a) Data límite: o prazo de admisión rematará ás 14 horas do décimo terceiro día natural seguinte á publicación do anuncio de concurso no Diario Oficial de Galicia. De coincidir en sábado, o prazo entenderase prorrogado ata as catorce horas do seguinte día hábil.
b) Documentación que se debe presentar: a indicada no prego de cláusulas administrativas particulares.
c) Lingua ou linguas nas que se deben redactar: castelán ou galego.
d) Lugar de presentación: en sobre pechado e selado, e no prazo sinalado, presentaranse as ofertas no rexistro da mencionada Dirección Provincial do Sergas en Ourense, ou por correo. Neste último caso, deberáselle anunciar ó órgano de contratación a remisión da oferta mediante telegrama e xustificarase a data da imposición do envío na oficina de correos.
e) Prazo durante o que o licitador estará obrigado a mante-la súa oferta: 3 meses desde a apertura das ofertas.
8. Data, hora e lugar da dita apertura: a partir das 10 horas do oitavo día natural seguinte ó peche do prazo de admisión de ofertas, no enderezo indicado no punto 6.
9. Criterios que se seguirán para adxudica-lo contrato: ve-la folla de especificacións do prego de cláusulas administrativas particulares (PCAP).
10. Variantes: ve-la folla de especificacións do PCAP.
11. Información complementaria: ve-lo PCAP.
12. Anuncios: o importe do anuncio desta resolución en prensa e nos boletíns oficiais será por conta do adxudicatario.
Ourense, 19 de novembro de 2001.
Eliseo Lorenzo Carballo
Director provincial de Ourense en funcións