O Consello da Xerencia Municipal de Urbanismo, en sesión do 18 de outubro de 2001, adoptou, entre outros, o seguinte acordo:

Primeiro.-Aprobar inicialmente a declaración de utilidade pública e necesidade de ocupación dos concretos bens e dereitos afectados pola ampliación do camiño de Maceiras (Teis), entre a rúa Dr. Corgal e a prolongación da rúa Pedro Alvarado, de acordo co plano parcelario e lista elaborados pola oficina municipal de actuacións viarias en xullo de 2001, o último dos cales se reproduce no anexo deste acordo, cun orzamento total estimado de 5.382.000 pesetas, 32.346,7 euros (expediente 145/413).

Segundo.-Solicitar da Administración autonómica a declaración de urxente ocupación dos terreos afectados pola expropiación, polos motivos sinalados na parte expositiva deste acordo.

Terceiro.-Somete-lo presente procedemento ó trámite de información pública polo prazo de vinte días hábiles, mediante publicación de anuncios no DOG, no BOP e nun dos diarios dos de maior circulación da provincia, con notificación individualizada ós afectados na forma legalmente prevista.

ANEXO

O prazo de información pública entenderase aberto desde o día seguinte á publicación do primeiro anuncio, ata transcorridos vinte días desde o día seguinte á publicación do derradeiro anuncio, para que presenten documentación ou alegacións que estimen pertinente. O expediente atópase á disposición do público en xeral na oficina de información urbanística da Xerencia Municipal de Urbanismo (planta baixa do edificio da Xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 29 de outubro de 2001.

Lois Pérez Castrillo

Alcalde-presidente da Xerencia Municipal de Urbanismo