Convocadas a provisión as prazas dos corpos docentes universitarios que se relacionan no anexo e dándolle cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro), no artigo 1 do Real decreto 1427/1986, do 13 de xuño (Boletín Oficial del Estado do 11 de xullo) e no artigo 17 e) do Real decreto 552/1985, do 2 de abril (Boletín Oficial del Estado do 27 de abril).
Esta secretaría xeral resolveu sinala-la celebración dos sorteos correspondentes ás prazas sinaladas no citado anexo, co fin de designa-los membros das comisións que deben ser elixidos por este procedemento, para o día 19 de decembro de 2001, ás dez horas. Os sorteos realizaranse polo sistema aprobado pola Comisión Académica do Consello de Universidades na súa sesión do 14 de xullo de 1995, de modo secuencial, segundo a orde en que figuran relacionados no anexo citado.
Os ditos sorteos celebraranse na sede do Consello de Universidades (Cidade Universitaria, sen número, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo serán excluídos aqueles profesores que:
-Pertenzan á mesma universidade á que corresponda a praza.
-Fosen designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 14 de decembro de 2001, dirixidas á Secretaría Xeral do Consello de Universidades (Cidade Universitaria, sen número, 28040 Madrid).
Nos concursos nos que non existan profesores abondos do corpo e área de coñecemento a que corresponda a praza, aplicarase o disposto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que lle comunico a V.I. para o seu coñecemento e efectos.
Madrid, 5 de novembro de 2001.
Vicente Ortega Castro
Secretario xeral do Consello de Universidades
Vicesecretaria xeral do Consello de Universidades
ANEXO
UNIVERSIDAD DA CORUÑA
* Concursos convocados por resolución da Universidade da Coruña do 6-7-2001 e BOE do 28-7-2001.
Concurso nº: 01/024.
Nº sorteo: 45.178.
Corpo: profesores titulares de universidade.
Área de coñecemento: economía aplicada.
Presidente titular: Juan Jesús Fernández Caínzos.
Vocal secretario titular: Antonio Javier Prado Domínguez.
Concurso nº: 01/025.
Nº sorteo: 45.179.
Corpo: profesores titulares de universidade.
Área de coñecemento: personalidade, avaliación e tratamento psicolóxico.
Presidente titular: Francisco Labrador Encinas.
Vocal secretario titular: Miguel Ángel Simón López.
Concurso nº: 01/026.
Nº sorteo: 45.180.
Corpo: profesores titulares de universidade.
Área de coñecemento: dereito financeiro e tributario.
Presidente titular: Álvaro Benigno Rodríguez Bereijo.
Vocal secretario titular: José Ramón Ruíz García.
Concurso nº: 01/029.
Nº sorteo: 45.181.
Corpo: profesores titulares de escola universitaria.
Área de coñecemento: didáctica da expresión corporal.
Presidenta titular: Herminia García Ruso.
Vocal secretaria titular: Ángela María Lera Navarro.
