De conformidade coa proposta elevada pola comisión constituída para xulga-lo concurso convocado por resolución desta universidade do 28 de novembro de 2000 (BOE do 21 de decembro) para a provisión da praza de titular de universidade da área de coñecemento de psicoloxía evolutiva e da educación, do departamento de Psicoloxía Evolutiva e da Educación da Universidade de Santiago de Compostela, a favor de María del Carmen Torres Maroño, tendo en conta que a interesada cumpre os requisitos a que alude o número 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María del Carmen Torres Maroño, titular de universidade da área de coñecemento de psicoloxía evolutiva e da educación, do departamento de Psicoloxía Evolutiva e da Educación da Universidade de Santiago de Compostela.

Santiago de Compostela, 30 de outubro de 2001.

F. Darío Villanueva Prieto

Rector da Universidade de Santiago de Compostela