Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 215/2001, por instancia de Plácido Cazón González e outro, contra Electrónica Marina, S.L. sobre salarios nos que recaeu sentencia en data 22-10-2001 que, copiada nos particulares necesarios, di así:
«Decido que, estimando a demanda promovida por Plácido Cazón González e Miguel Ángel Solares
Branco contra a empresa Electrónica Marina, S.L. debo condenar e condeno a demandada a que lle aboe a cada un dos actores a cantidade de 427.312 pesetas por tódolos conceptos reclamados en demanda.
Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, recorrente, se é empresario, exhiba diante deste Xulgado do Social o resgardo acreditativo de ter depositado no Banco Bilbao Vizcaya oficina principal desta cidade na conta corrente deste xulgado, número 5605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia, debendo consignar, ademais, a cantidade de 25.000 pesetas na mesma conta, clave 65, entregándose o resgardo na secretaría ó tempo de interpoñe-lo recurso,
declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación á empresa Electrónica Marina, S.L., expido e asino esta cédula na Coruña, o 22 de outubro de 2001.
O secretario xudicial
Rubricado