Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 972/2000, por instancia de Antonio Jaime Bello Vázquez contra INSS e outra sobre incapacidade, nos que recae sentencia en data 29-10-2001 que, copiada nos particulares necesarios, di así:
«Que estimando a demanda formulada por Antonio Jaime Bello Vázquez, condeno o Instituto Nacional da Seguridade Social a aboarlle o subsidio de incapacidade temporal na contía sinalada no fundamento cuarto da presente resolución, na contía total de 80.036 pesetas, se ben desta cantidade, os días 4 ó 15 son por conta da empresa Ignacio Bravo González, polo que o Instituto Nacional da Seguridade Social pode resarcirse da cantidade correspondente a custa desta.
Notifíqueselle-la presente resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles contados a partir do seguinte ó da súa notificación.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Ignacio Bravo
González, expido e asino esta cédula na Coruña o 29 de outubro de 2001.
O secretario xudicial
Rubricado