Pola Orde do 5 de xuño de 2000 (DOG nº 114, do 13 de xuño), convocouse proceso selectivo para o acceso ó corpo de xestión de Administración da Xunta de Galicia (grupo B), sendo nomeadas como funcionarias en prácticas a través da Resolución do 28 de xuño de 2001 (DOG nº 126, do 29 de xuño; corrección de erros DOG nº 137, do 16 de xullo).

Unha vez publicados polo correspondente tribunal os resultados obtidos no curso selectivo e co obxecto de que as aspirantes que superaron o dito proceso selectivo polo sistema de acceso libre accedan á condición de funcionarias coa maior brevidade posible, esta consellería

DISPÓN:

Convoca-las aspirantes que superaron o proceso selectivo polo sistema de acceso libre ó corpo de

xestión da Xunta de Galicia (grupo B), para a elección de destino provisional, en único chamamento, na sala B da Consellería da Presidencia e Administración Pública o día 23 de novembro ás 12 horas, podendo elixir, segundo a orde acadada no proceso selectivo, entre os postos que se relacionan no anexo desta orde, sempre que reúnan as condicións esixidas nel.

As aspirantes deberán ir provistas de DNI ou outro documento que acredite fidedignamente a personalidade.

As aspirantes que non comparezan persoalmente poderán ser representadas por terceiras persoas con poder notarial suficiente.

Ás aspirantes que non comparezan persoalmente ou por medio de representantes seranlles adxudicadas en destino provisional as prazas que lles corresponden atendendo á orde de publicación destas e ó número obtido nos procesos selectivos, unha vez concluído o proceso de adxudicación das prazas ás aspirantes presentes ou representadas, e entre as que quedaron sen adxudicar.

Santiago de Compostela, 14 de novembro de 2001.

Jaime Pita Varela

Conselleiro da Presidencia e Administración

Pública

ANEXO

RELACIÓN DE POSTOS DE TRABALLO VACANTES DO GRUPO B

CORPO DE XESTIÓN DE ADMINISTRACIÓN DA XUNTA DE GALICIA