De conformidade co disposto no artigo 48 da Lei 1/1997, do 24 de marzo, do solo de Galicia, artigo 70.2º da Lei 7/1985, do 2 de abril, de bases de

réxime local e disposicións concordantes, faise público que a Alcaldía deste concello, por Decreto do 7 de novembro de 2001, aprobou definitivamente o proxecto de estatutos da xunta de compensación e bases de actuación referentes ó Plan parcial residencial de baixa intensidade SUB-SI, en Santa Isabel, promovido por José María Castro Vázquez e aprobado definitivamente polo Pleno do concello con data do 28 de xuño pasado.

Contra o dito acordo, definitivo na vía administrativa, poderán os interesados interpoñer recurso contencioso-administrativo no prazo de dous meses, ante a Sala do Contencioso-Administrativo do Tribunal Superior de Xustiza de Galicia, contados desde o día seguinte ó da súa publicación no BOP ou no Diario Oficial de Galicia.

Outeiro de Rei, 8 de novembro de 2001.

José Pardo Lombao

Alcalde