Por orde desta consellería, con data do 11 de decembro de 2000 (DOG nº 250, do 28 de decembro), noméanse os membros dos tribunais que cualifican o proceso selectivo para o acceso ó corpo auxiliar (grupo D) da Xunta de Galicia.
Presentadas renuncias por parte de Rafael Aguirrebengoa Esnaola e Mª Carmen López Santamariña, vocais titular e suplente, respectivamente, do tribunal D-2, faise necesaria modifica-la composición do dito tribunal.
Por iso, e de conformidade co establecido na Lei 4/1988, do 26 de maio, da función pública de Galicia, o Decreto 95/1991, do 20 de marzo, polo que se aproba o Regulamento de selección de persoal de administración da Comunidade Autónoma de
Galicia, así como nas bases das convocatorias que rexen os distintos procesos selectivos, esta consellería
DISPÓN:
Primeiro.-Acepta-las renuncias presentadas por Rafael Aguirrebengoa Esnaola e Mª Carmen López Santamariña, vocais titular e suplente, respectivamente, do tribunal D-2.
Segundo.-Deixar sen efecto o nomeamento de Mª Dolores Veiga Gondelle como secretaria suplente do dito tribunal.
Terceiro.-Nomear a Mª Dolores Veiga Gondelle, funcionaria da Xunta de Galicia, como vocal titular do tribunal D-2, e a José Antonio Cotelo Veira, funcionario da Xunta de Galicia, como vocal suplente do dito tribunal.
Cuarto.-Nomear secretaria suplente do tribunal D-2 a Mª Teresa González Casar, funcionaria da Xunta de Galicia.
Santiago de Compostela, 12 de novembro de 2001.
Jaime Pita Varela
Conselleiro da Presidencia e Administración Pública