De conformidade co disposto no artigo 59.4º, da Lei 30/1992, de réxime xurídico das administracións

públicas e do procedemento administrativo común, do 26 de novembro (BOE do 27 de novembro), notifícaselles á persoa mencionada a continuación (que non puido ser notificada no último domicilio coñecido que así mesmo se indica) a resolución do expediente nº 15-2310/2000 por infracción en materia de defensa do consumidor.

Contra a dita resolución cabe interpoñer recurso de alzada ante o presidente do Instituto Galego do Consumo, no prazo dun mes a partir do día seguinte ó da súa notificación; tamén se poderá interpoñer calquera outro que estime pertinente ó seu dereito.

Se non fose recorrida no devandito prazo, a sanción devirá firme e executiva, e poderá facerse efectiva en período voluntario, en calquera entidade financeira, na conta 3110001136 da Caixa Galicia (2091), Oficina de Relación con Organismos (0388) Santiago de Compostela; noutro caso procederase sen máis trámite á súa exacción en vía executiva, nos seguintes prazos:

a) As débedas notificadas entre os día un e quince de cada mes, desde a data de notificación ata o día cinco do seguinte mes ou o inmediatamente hábil e posterior.

b) As débedas notificadas entre os días dezaseis e derradeiro de cada mes, desde a data de notificación ata o día vinte do seguinte mes ou o inmediatamente hábil e posterior.

Expediente: 15-2310/2000.

Denunciado: Grupo Goncasse, S.L.

Enderezo: r/ Alcalde Lens nº 20, 15010 A Coruña.

Sanción e motivos: 100.000 pesetas (cen mil pesetas), por negativa inxustificada a satisface-las demandas do consumidor.

Data de resolución: 4-9-2001.

A Coruña, 18 de outubro de 2001.

Jesús Espada Martínez

Delegado provincial da Coruña