En cumprimento da resolución da Alcaldía de data 7-11-2001 e do disposto nos artigos 78 do R.D.L. 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de consultoría e asistencia.
1. Obxecto: redacción do Plan especial de protección e reforma interior da zona antiga de Ribadeo.
2. Tramitación: urxente.
3. Procedemento: aberto.
4. Sistema de adxudicación: concurso.
5. Prezo e financiamento: quince millóns de pesetas (15.000.000 de pesetas) IVE incluído, equivalente a noventa mil cento cincuenta e un euros con oitenta e dous céntimos (90.151,82 euros) con cargo á partida orzamentaria 2001/432/627.
6. Prazo de execución: segundo programación do prego de prescricións técnicas.
7. Fianza provisional: excluída.
8. Fianza definitiva: 4% do importe da adxudicación.
9. Clasificación: como empresa consultora, grupo 1, subgrupo 1, categoría a), non imprescindible.
10. Presentación de ofertas: durante os 8 días naturais seguintes ó da publicación deste anuncio no DOG, cos requisitos do artigo 8 do prego de condicións, presentándoas no rexistro do concello ou remitidoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, praza de España nº 1, 27700 Ribadeo-Lugo, teléfono 982 12 86 50, fax 982 13 09 75, horario de atención ó publico de 9 a 14 horas de luns a venres.
11. Modelo de proposición: «Don..., maior de idade, veciño de..., con domicilio en... e con DNI nº..., actuando en nome propio (ou en representación de... o que acredita con poder acreditado para o efecto) informado do concurso aberto tramitado por ese concello para a adxudicación do contrato de asistencia e consultoría, consistente na redacción do Plan especial de protección e reforma interior da zona antiga de Ribadeo.
Manifesta: que, informado e conforme cos pregos de condicións económico-administrativas particulares e prego de prescricións técnicas que rexerán este, se compromete a executa-lo contrato polo prezo de... (en letra e número) IVE incluído, nas condicións e cos méritos da memoria adxunta (cláusula 8.2).»
12. Apertura de proposicións: realizaraa a mesa de contratación en acto público, segundo a cláusula 11 do prego, dentro dos 10 días seguintes ó de remate da presentación de ofertas e convocatoria previa ós licitadores.
Ribadeo, 7 de novembro de 2001.
José Carlos Rodríguez Andina
Alcalde