Aprobados pola Comisión de Goberno, na sesión da data 23 de outubro de 2001, os pregos de cláusulas administrativas particulares e os pregos de prescricións técnicas que rexerán a contratación mediante concurso dos traballos de redacción do Plan Xeral de Ordenación Municipal, expóñense ó público polo prazo de oito días naturais, para efectos de exame e presentación de reclamacións (que de non presentarse entenderanse definitivamente aprobados). De conformidade co disposto no artigo 122.2º do Real decreto lexislativo 781/1986, do 18 de abril, anúnciase simultaneamente a licitación nos diarios oficiais (se ben se aprazará no suposto de producírense reclamacións ós pregos).
1. Entidade adxudicadora: Concello de Friol.
2. Obxecto do contrato: redacción do Plan Xeral de Ordenación Municipal.
3. Tramitación, procedemento e xeito de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento de licitación: o importe total é de 15.000.000 de pesetas, IVE incluído (90.151,81 euros).
5. Garantías.
Provisional: 300.000 pesetas (1.803,03 euros).
Definitiva: 4% do importe de adxudicación.
6. Presentación de ofertas: dentro dos 8 días naturais, contados a partir do seguinte ó da publicación do anuncio de licitación no DOG. Se o último día do prazo coincide en sábado ou día inhábil, o prazo finalizará o primeiro día hábil seguinte.
7. Anuncios: por conta do adxudicatario.
O que se fai público en cumprimento do establecido no artigo 326 da Lei 5/1997, do 22 de xullo, de Administración local de Galicia.
Friol, 30 de outubro de 2001.
Antonio Muiña Pena
Alcalde