De conformidade co disposto no artigo 105 da Lei 230/1963, do 28 de decembro, xeral tributaria, na redacción dada polo artigo 28 da Lei 66/1997, de medidas fiscais, administrativas e de orde social, do 30 de decembro (BOE nº 313, do 31 de decembro), e tentada notificación por dúas veces sen que se puidese practicar por causas non imputables á Administración tributaria, polo presente anuncio cítanse os suxeitos pasivos, obrigados tributarios ou representantes que se relacionan no anexo adxunto, para seren notificados por comparecencia do inicio do procedemento de constrinximento, acto dictado polo xefe da dependencia de recadación ou órgano competente, tratándose dun procedemento executivo.

Os interesados ou os seus representantes debidamente acreditados deberán comparecer no prazo de dez días, contados desde o seguinte ó desta publicación, en horario de 9 a 14 horas, de luns a venres na Dependencia de Recadación da AEAT en Cádiz, sita na praza da Constitución s/n, para efectos de se practica-la notificación do citado acto.

Así mesmo, advírteselles ós interesados ou ós seus representantes que, de non compareceren no citado prazo, a notificación entenderase producida para tódolos efectos legais desde o día seguinte ó do vencemento do prazo sinalado para comparecer.

Cádiz, 19 de setembro de 2001.

María Angustias Caballero Contreras

Xefa da Dependencia de Recadación de Cádiz