O Pleno da Corporación, na sesión ordinaria que tivo lugar o día 26 de outubro de 2001, aprobou inicialmente a modificación puntual do Plan Xeral de Ordenación Municipal na avenida de Galicia, nº 99, redactado pola arquitecta Xulia Cortizas Díaz, con data de maio de 2001, e tramitado por instancia de Francisco Durán Montero.

O que se fai público en cumprimento do disposto no artigo 44.2º da Lei 1/1997, do 24 de marzo, do solo de Galicia, para efectos de que durante o prazo dun mes, contado a partir da publicación deste anuncio no DOG poidan formula-las reclamacións e alegacións que se consideren pertinentes.

Suspensión de licencias.

Así mesmo, o Pleno da Corporación, na sesión ordinaria que tivo lugar o día 26 de outubro de 2001, acordou a suspensión de licencias de parcelación de terreos, edificación e demolición para toda a área da modificación puntual, o que se fai público en cumprimento do artigo 34 da Lei 1/1997, do 24 de marzo, do solo de Galicia.

Mugardos, 31 de outubro de 2001.

O alcalde

Rubricado