Juan Rey Pita, secretario do Xulgado do Social, número tres da Coruña, dou fe e certifico que neste xulgado séguense autos nº 647/2001 seguidos por instancia de Divina Pastora Delgado Rivero contra Confecciones Fada, S.L. sobre despedimento, nos que recaeu sentencia en data 11-10-2001 que copiada nos particulares necesarios di así:
«Que estimando a demanda formulada por Divina Pastora Delgado Rivero, declaro a improcedencia do seu despedimento e condeno a empresa Confecciones Fada, S.L. a que á súa elección, que ha de efectuar no prazo de cinco días, o readmita no seu posto e condicións de traballo ou o indemnice coa cantidade de 67.300 pesetas, con aboamento en todo caso dos salarios deixados de percibir desde a data do despedimento ata a da notificación desta sentencia, e que a data ascenden á cantidade de 345.724 pesetas.
Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte da súa notificación.
Previndo á empresa demandada que para recorrer deberá acreditar ter ingresado na c/c de consignacións código 5604.0000.60 647-2001 de Banco BBVA desta cidade denominada Conta do Xulgado do Social Número Tres, o importe da condena e 25.000 pesetas en concepto de depósito, sen os cales requisitos non será admitido a trámite o recurso quedando firme a sentencia.
Asímesmo advírteselle á parte demandada que se fai uso de tal dereito, optando pola readmisión, durante a sustanciación do procedemento deberá aboar á parte demandante o mesmo salario que percibiría, estando obrigada esta a prestar os seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mandoo e asínoo».
E para que conste, para efectos da súa publicación no Diario Oficial de Galicia a fin de que sirva de notificación en forma á empresa Confecciones
Fada, S.L., expido e asino a presente cédula na Coruña, 11 de outubro de 2001.
Secretario xudicial
Rubricado