Na Sala do Contencioso-Administrativo, sección primeira, do Tribunal Superior de Xustiza de Galicia tramítase o recurso 01 /0001032 /2001, interposto contra a Orde do 7 de maio de 2001 e a Resolución do 10 de maio de 2001, polas que se regula o acceso e admisión a ciclos formativos de grao superior de formación profesional específica.
En consecuencia, esta secretaría xeral acordou nesta mesma data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido tribunal. O que se notifica para xeral coñecemento de tódalas persoas interesadas no procedemento e se emprazan para que poidan comparecer como parte en autos na Sala do Contencioso-Administrativo, sección primeira, do Tribunal Superior de Xustiza de Galicia, no prazo de 9 (nove) días contados desde o seguinte ó da publicación da presente resolución no Diario Oficial de Galicia.
Santiago de Compostela, 1 de outubro de 2001.
Máximo García Serrano
Secretario xeral da Consellería de Educación
e Ordenación Universitaria