A Comisión de Goberno, en sesión do 1 de outubro de 2001, adoptou o seguinte acordo:
Primeiro.-Prestar aprobación, con carácter inicial, ó texto do estudio de detalle resultante daquel inicialmente aprobado pola Comisión de Goberno, en sesión do 22-6-1998 e sometido a información públi
ca, formulado mediante iniciativa particular por Promociones Inmobiliarias Ramírez, S.L. para a ordenación dos volumes e soluciona-las medianeiras existentes do soar situado entre as rúas Condesa de Pardo Bazán, Arcebispo Malvar e Xan Guillermo, propoñendo a actuación para realizar en tal soar e os de número 3, 5 e 7 da rúa Xan Guillermo, sendo este instrumento urbanístico reformado do anterior redactado polo arquitecto Gustavo Pérez Álvarez, visado pola delegación do COAG en Pontevedra, con data do 16-5-2001, que anula o documento anterior ó recolle-la correcta delimitación dos terreos de propiedade da promotora que integran o ámbito espacial do estudio de detalle.
Segundo.-Dispoñe-lo sometemento a información pública do presente estudio de detalle, durante un prazo dun mes, mediante a publicación de anuncios no taboleiro de edictos da Casa do Concello, un dos xornais de maior circulación provincial, BOP e Diario Oficial de Galicia, computándose tal período desde esta última publicación, con notificación persoal ás persoas e entidades interesadas no procedemento.
Terceiro.-Reiterar á entidade promotora o cumprimento do punto cuarto do acordo do 22 de xuño de 1998, sobre a ratificación e solemnización do aproveitamento de cesión ó concello, segundo as determinacións do catálogo de edificacións en vigor.
Durante o prazo dun mes, contado a partir da inserción deste anuncio no Diario Oficial de Galicia, calquera interesado poderá examina-lo expediente no Servicio Municipal de Urbanismo, Medio Ambiente e Patrimonio Histórico (rúa Churruchaos), e formula-las alegacións e xustificacións que coide procedentes.
Pontevedra, 15 outubro de 2001.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Tenente alcalde delegado da Área de Urbanismo
e Medio Ambiente