A Dirección Xerencia do Hospital Comarcal Valdeorras do Barco de Valdeorras, en virtude das atribucións que lle foron delegadas conforme o establecido na alínea i) do artigo 7 da Orde do 23 de marzo de 2000 (Diario Oficial de Galicia nº 104, do 30 de maio), convoca expediente de contratación, polo procedemento aberto, mediante concurso público, da adquisición de implantes ortoprotésicos de cadeira e xeonllo para o Servicio de Traumatoloxía do centro.

Obxecto e orzamento:

A adquisición de implantes para o Servicio de Traumatoloxía do HCV, por un orzamento máximo de 30.800.000 pesetas (185.111,73 euros), IVE incluído.

Prazo de entrega:

O material obxecto do presente concurso público deberá ser entregado mediante entregas periódicas, segundo as necesidades comunicadas polo Servicio de Traumatoloxía do centro.

Prazo de execución:

A execución do contrato terá lugar desde a súa formalización ata o 31 de agosto de 2002.

Documentos de interese para os licitadores:

O prego de cláusulas administrativas particulares e demais documentación complementaria poderá ser solicitadas no Departamento de Contratacións do Hospital Comarcal Valdeorras, rúa Conde Fenosa nº 50 do Barco de Valdeorras (código postal 32300), tfno.: 988 33 90 61.

Garantías:

Deberá consignarse unha garantía provisional do 2% do orzamento de licitación, por un importe de seiscentas dezaseis mil pesetas (616.000 pesetas, 3.702,23 euros), e unha garantía definitiva do 4% do orzamento de adxudicación. Estas garantías cons

tituiranse segundo o disposto nos artigos 35 e 36 do Real decreto lexislativo 2/2000, do 16 de xuño (BOE nº 148, do 21 de xuño), texto refundido da Lei de contratos das administracions públicas.

Solvencia económica e financeira:

Acreditarase por calquera dos medios, alomenos un, dos sinalados no artigo 16 do Real decreto lexislativo 2/2000.

Solvencia técnica:

Acreditarase por calquera dos medios, alomenos un, dos sinalados no artigo 18 do Real decreto lexislativo 2/2000.

Clasificación:

Non se precisa.

Criterios de adxudicación:

-Prezo: ata 20 puntos.

-Calidade técnica: ata 70 puntos.

-Oferta de melloras: ata 10 puntos.

Admisión de variantes:

Non se admite a presentación de variantes.

Presentación de proposicións:

As proposicións deberanse presentar en man, en sobres pechados e lacrados, asinados polo licitador ou persoa que o represente, no Departamento de Contratación do Hospital Comarcal Valdeorras antes das 14 horas do décimo quinto día natural contado a partir do seguinte ó da publicación deste anuncio no Diario Oficial de Galicia. Tamén se poderán presentar por correo, dirixidas o órgano de contratación, debendo xustifica-lo licitador a data de imposición do envío na oficina de correos e anunciar ó órgano de contratación a remisión da oferta mediante télex ou telegrama no mesmo día.

Apertura de proposicións:

A apertura das proposicións admitidas será realizada pola mesa de contratación, reunida en acto público no salón de actos do Hospital Comarcal Valdeorras ás 11 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.

Documentación que deberán achega-los licitadores:

Os documentos que figuran no prego de cláusulas administrativas particulares.

Anuncios:

Os anuncios do presente concurso público serán por conta dos adxudicatarios do contrato.

O Barco de Valdeorras, 27 de setembro de 2001.

Luis A. González Rodríguez

Director xerente do Hospital Comarcal Valdeorras

do Barco de Valdeorras