Ó abeiro do establecido no artigo 54 da Lei 54/1997, do 27 de novembro, do sector eléctrico, polo que se modifica o carácter extraordinario da tramitación polo procedemento de urxencia que pasa a converterse en tramitación ordinaria, competencia desta delegación e vistas as alegacións formuladas polos afectados, esta delegación

ACORDA:

1. Declarar, en concreto, a necesidade da ocupación polo procedemento de urxencia establecido

no artigo 52 da Lei de expropiación forzosa, dos bens e dereitos que máis abaixo se relacionan, coa fin de levar a cabo a execución da liña A.T. 95/383 L.M.T., C.T., R.B.T. Caneira Baredo, da empresa Unión Fenosa Distribución, S.A. a que este expediente se refire, da que a autorización administrativa, aprobación do proxecto e declaración de utilidade pública foron outorgadas por senllas resolucións desta delegación do 15 de febreiro de 1996.

2. Establece-la afección dos titulares, bens e dereitos que se xuntan, co alcance que se determina.

3. Sinala-la data para o levantamento das actas previas a ocupación, o que se levará a cabo, sobre o terreo, a partir da 10 horas do día 13 de novembro de 2001, polo que deberán acudi-los afectados ou persoa que os represente, provistos dos documentos que acrediten de modo fidedigno a propiedade e podendo facerse acompañar de perito ou notario á súa custa.

Predios: 1-22.

Hora: 10.

Día: 13-11-2001.

Nº de expediente: 95/383.

Denominación da liña: L.M.T., C.T., R.B.T. Caneira Baredo.

Solicitante: Unión Fenosa Distribución, S.A.

Enderezo social: Travesía de Vigo 204-Vigo.

Situación da liña: Baiona.

Condicións técnicas: liña de 15/20 kV de 635 m de lonxitude. Conductor LA 56, sobre apoios de formigón.

De acordo co disposto no artigo 56.2º do regulamento da Lei de expropiación forzosa, contra o presente acordo non procede recurso ningún, non obstante os interesados poderán, unha vez publicada esta relación e ata o momento de actas previas, formular por escrito, perante esta delegación, alegacións para o efecto de corrixir posibles erros que se padeceran na relación dos bens afectados pola urxente ocupación.

Vigo, 28 de setembro de 2001.

Carmen Bianchi Valcarce

Delegada provincial de Pontevedra

Relación de propietarios, bens e dereitos afectados

Expediente: 95/383Concello: BaionaProvincia: Pontevedra

L.M.T., C.T. e R.B.T. Caneira Baredo

ApoioVoo

NºParaxeCultivoNome e apelidosEnderezonº apoiommlm