De conformidade co acordado na resolución desta Alcaldía do día 2 de outubro de 2001, convócanse probas selectivas para a provisión dos seguintes postos de traballo do cadro laboral fixo, con suxeición ás bases que se publican íntegras no BOP do día da data e que lles será facilitado ós que o soliciten neste concello, en Cimadevila nº 11, ou por teléfono: 988 36 00 00, fax: 988 36 10 26.

Prazas que se convocan:

-Unha (1) praza de auxiliar de cometidos varios en oficinas de secretaría. Graduado escolar ou equivalente. Concurso oposición libre. Praza asimilada ó grupo D-16, cos haberes que figuran no orzamento.

-Unha (1) praza de auxiliar de asistencia social. Graduado escolar ou equivalente. Concurso oposición libre. Praza asimilada ó grupo D-16, cos haberes que figuran no orzamento.

-Unha (1) praza de auxiliar de servicios varios na Casa da Cultura. Graduado escolar ou equivalente. Concurso oposición libre. Praza asimilada ó grupo D-16, cos haberes que figuran no orzamento.

-Unha (1) praza de conserxe do grupo escolar. Certificado de escolaridade ou equivalente. Concurso oposición libre. Praza asimilada ó grupo E-12, cos haberes que figuran no orzamento.

Barbadás, 10 de outubro de 2001.

O alcalde

Rubricado