Visto o expediente incoado nesta delegación provincial por petición de Fenosa con domicilio para os efectos de notificación na avda. de Arteixo, 171, A Coruña, que solicita aprobación do proxecto, autorización administrativa e declaración da utilidade pública da instalación eléctrica de referencia.

Cumpridos os trámites sinalados no artigo 53 da Lei 54/1997, do 27 de novembro, do sector eléctrico, e os ordenados no capítulo III do Decreto 2617/1966, do 20 de outubro, sobre autorización de instalacións eléctricas, e nos capítulos III e IV do regulamento de aplicación da Lei 40/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, de aplicación ó presente expediente segundo o establecido pola disposición transitoria primeira da indicada Lei 54/1997, en relación coa disposición transitoria undécima do Real decreto 1955/2000, do 1 de decembro.

Visto que durante o período no que se someteu o expediente ó trámite de información pública se presentou a seguinte alegación:

1º Amador López Pérez, que en resumo manifesta que non procede declarar agora a utilidade pública do proxecto, declaración que implica a necesidade de ocupación dos bens e dereitos afectados, cando a obra está xa feita e os bens e dereitos xa foron ocupados de forma ilegal, polo que procedería arquivar sen máis trámite o expediente.

Así mesmo, nun segundo escrito, o alegante reitera o manifestado nas súas primeiras alegacións e manifesta descoñece-lo motivo polo que non se procedeu á apertura de expediente sancionador contra a entidade eléctrica.

Considerando que tales alegacións, vista a contestación dada a elas por parte da empresa promotora e o resto da documentación que consta no expediente, non impide continuar coa tramitación deste polas seguintes razóns:

1º Porque, elevada consulta á Secretaría Xeral da Consellería de Industria e Comercio, o seu Servicio Técnico Xurídico informa de que o feito de a instalación eléctrica xa estar executada non impide que esta delegación provincial deba proceder a legaliza-la vía de feito en cuestión autorizando a instalación eléctrica, declarando a utilidade pública dela, aprobando o seu proxecto de execución e tramitando o correspondente procedemento expropiatorio.

2º Porque o propio interesado, en escrito do 20 de maio de 1998, solicitou que se procedese á regu

larización da situación requirindo á empresa Unión Fenosa para que presentase o correspondente proxecto.

3º Así mesmo, esta delegación provincial considera que non procede incoar expediente sancionador por canto, no réxime sancionador o principio de tipicidade se debe aplicar, segundo reiterada xurisprudencia, no sentido estricto e, nin o Decreto 2617/1966, do 20 de outubro, de autorización de instalacións eléctricas, nin no Real decreto 1955/2000, do 1 de decembro, se recollen de forma expresa os feitos manifestados polo alegante como infracción. A maior abastanza hai que ter en conta que a propia empresa Unión Fenosa solicitou no seu día autorización das instalacións (o obxectivo era mellora-la infraestructura eléctrica da zona) polo que non procede, a xuízo desta delegación, apreciar mala fe por parte da dita empresa.

Vista sobre o terreo a traza da liña eléctrica proxectada, obsérvase que na liña ó seu paso polos predios relacionados na información pública non se dá ningunha das prohibicións ou limitacións sobre os predios en expropiación, ás que se refiren respectivamente os artigos 25 e 26 do Decreto 2619/1966, en concordancia co artigo 57 da Lei 54/1997, antes citada.

Sendo competente este organismo, con base no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio de competencias atribuídas polos decretos 2617 e 2619/1966,

RESOLVO:

Primeiro.-Autorizarlle a Unión Fenosa, S.A. o establecemento da dita instalación eléctrica, coas seguintes características principais:

1. Liña de media tensión aérea con orixe na L.M.T. Chaos-Reboredo e remate no C.T. de Corvelle de 651 m de lonxitude a 20 kV sobre apoios de formigón en conductor LA-56.

2. Liña de media tensión aérea con orixe na L.M.T. Sta. Cristina-Pedrachantada e remate no C.T. de Carballal de 437 m de lonxitude a 20 kV sobre apoios de formigón en conductor LA-56.

3. Centro de transformación aéreo de intemperie de Corvelle de 100 kVA de potencia e relación de transformación 20.000/380-220 V.

4. Centro de transformación aéreo de intemperie de Carballal de 50 kVA de potencia e relación de transformación 20.000/380-220 V.

5. Rede de baixa tensión aérea de Corvelle de 2.975 m de lonxitude a 380/220 V sobre apoios de formigón en conductor R.Z.

6. Rede de baixa tensión aérea de Carballal de 510 m de lonxitude a 380/220 V sobre apoios de formigón en conductor R.Z.

7. Rede de baixa tensión aérea de Vilar de Sarria de 2.295 m de lonxitude a 380/220 V sobre apoios de formigón en conductor R.Z.

Segundo.-Declara-la utilidade pública da instalación eléctrica autorizada, coas consecuencias establecidas no artigo 54 da Lei 54/1997, do 27 de novembro, do sistema eléctrico, de necesidade de ocupación dos bens ou de adquisición dos dereitos afectados e de urxente ocupación para os efectos do artigo 52 da Lei de expropiación forzosa. Igualmente, levará implícita a autorización para o establecemento ou paso da instalación eléctrica sobre terreos de dominio, uso ou servicio público, ou patrimoniais do Estado, ou das comunidades autónomas, ou de uso público, propios ou comunais da provincia ou municipio, obras e servicios destes e zonas de servidume pública.

Terceiro.-Prestar aprobación ó seu proxecto de execución e anexo, unha vez cumpridos os trámites que se sinalan no capítulo IV do citado Decreto 2617/1966, e visto o contido do informe técnico do 30 de xaneiro de 2001.

Esta autorización outórgase sen prexuízo de terceiros e independentemente das autorizacións, licencias ou permisos de competencia municipal, provincial ou outros necesarios en relación coas instalacións autorizadas.

Cuarto.-En cumprimento do disposto nos artigos 52 da lei de expropiación forzosa, do 16 de decembro de 1954, e 31 do regulamento da Lei 10/1966, do 18 de marzo, acordo que o representante da Administración dea comezo, en data e hora que a cada interesado se lle notificará individualmente, ó levantamento das actas previas á ocupación dos predios contidos nas relacións publicadas no xornal El Progreso do 15 de febreiro, Diario Oficial de Galicia do 16 de marzo e no BOP de Lugo do 26 de febreiro de 2001, e expostas no taboleiro oficial desta delegación provincial e no taboleiro de edictos do Concello de Sarria. Ata o momento do levantamento das actas poderanse formula-las alegacións, por escrito, que se consideren pertinentes para os efectos de rectificar posibles erros na relación de bens afectados, ante esta delegación provincial.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Esta resolución non é definitiva na vía administrativa e contra ela poderase interpoñer recurso de alzada perante o conselleiro de Industria e Comercio no prazo dun mes, contado desde o día seguinte ó da súa notificación-publicación. Tamén se poderá

interpoñer calquera outro recurso que se considere oportuno para a defensa dos dereitos e intereses por parte dos interesados.

Lugo, 11 de setembro de 2001.

Jesús Bendaña Suárez

Delegado provincial de Lugo