Visto o texto do convenio colectivo da empresa Faro de Vigo, S.A., con nº de código 36020642, que tivo entrada nesta delegación provincial o día 10-8-2001, subscrito en representación da parte económica pola representación da empresa, e da parte social, polo comité de empresa, en data 3-8-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autó
noma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, obrante nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 20 de agosto de 2001.
P.A.
Luis Boullosa Nores
Secretario provincial de Pontevedra
Texto do convenio colectivo de Faro de Vigo, S.A. e os seus traballadores para 2001
Artigo 1º.-Ámbito territorial.
O ámbito de aplicación do presente convenio é o da empresa e por isto afecta unicamente os centros de traballo de Faro de Vigo, S.A.
Artigo 2º.-Ámbito persoal.
O convenio afecta á totalidade do persoal fixo que preste servicios na empresa, tanto se realiza unha función técnica ou administrativa como se só presta un esforzo físico ou de atención. O persoal de calquera categoría que no sucesivo entre a prestar servicios na empresa, quedará sometido a este convenio.
Artigo 3º.-Vixencia e duración.
As normas deste convenio terán vixencia desde a data da súa publicación ata o 31 de decembro de 2001. Non obstante os efectos económicos comezarán desde primeiro de xaneiro último ata 31 de decembro de 2001.
Artigo 4º.-Denuncia do convenio.
Extinguido o período de vixencia, o convenio entenderase prorrogado de ano en ano, perdendo vixencia soamente as súas cláusulas obrigacionais e manténdose en vigor o seu contido normativo, salvo se algunha das partes que o subscribisen o denunciase cunha anticipación de tres meses á expiración da súa vixencia ou de calquera das prórrogas.
Artigo 5º.-Vixilancia e cumprimento do convenio.
De conformidade co establecido no artigo 85.d) do Estatuto dos traballadores, constituirase unha comisión paritaria para a vixilancia e cumprimento deste convenio, que estará integrada por tres representantes designados pola empresa e tres traballadores designados polo comité.
Artigo 6º.-Réxime de traballo.
É facultade exclusiva da empresa canto se refire á organización práctica do traballo nela. Por conseguinte, á empresa corresponde a distribución do persoal, conforme a súa categoría profesional e ó cambio dos seus labores cando, por causas xustificadas, así o aconselle o interese da propia empresa.
Igualmente será facultade da empresa modifica-los horarios de todos e cada un dos traballadores por conveniencia do servicio, logo de informe ó comité de empresa. De existir disparidade de criterios someteríase á aprobación da xurisdicción competente.
A xornada de traballo na empresa é a sinalada no artigo 71 da ordenanza laboral de traballo en prensa, co criterio semanal do Estatuto dos traballadores.
Artigo 7º.-Clasificación de persoal.
Segundo a permanencia ó servicio da empresa e función desempeñada, será clasificado o persoal que preste a súa actividade nela. Clasificarase en fixo e a tempo parcial ou celebrando contratos de duración determinada.
Persoal fixo: é aquel que se precisa de modo permanente para realizar traballos de tal carácter.
Persoal contratado a tempo parcial ou con contratos de duración determinada: son os definidos e a que se refiren os artigos 12 e 15 do Estatuto dos traballadores, en relación coas disposicións vixentes de concordancia.
Artigo 8º.-Organización da producción.
As partes que interveñen neste convenio, empresa e traballadores, determinan de común acordo que a productividade, tanto da man de obra como a dos demais factores que interveñen na empresa, constitúe un dos medios principais para a elevación do nivel de vida.
Artigo 9º.-Retribución do persoal.
As cantidades percibidas polos traballadores no 31 de decembro de 2000, que corresponden a conceptos retributivos que veñen sendo mellorados polo convenio colectivo dese ano e anteriores, aumentarase nun 3,75% (tres con setenta e cinco por cento) desde o 1 de xaneiro ata o 31 de decembro de 2001, na base salarial.
Artigo 10º.-Complemento de nocturnidade.
Os traballadores que dun modo continuo ou periódico presten os seus servicios entre as 22 e 6 horas, percibirán en concepto de complemento de nocturnidade o 20% do salario ordinario. Este complemento, nas diversas modalidades e contías establecidas, regularase polo disposto no artigo 60 da ordenanza laboral de traballo en prensa, aprobada por Orde de 9 de decembro de 1976, rectificada, e a nova redacción dada ó dito texto legal pola Orde do 23 de maio de 1977.
Non obstante, percibirase o complemento de nocturnidade na vacación anual regulamentaria que regula o artigo 63 da citada ordenanza, pola mesma cantidade que a acreditada no anterior mes de actividade normal a aquel no que se desfrute a dita vacación regulamentaria de 30 días naturais ininterrompidos.
Artigo 11º.-Permisos.
As ausencias ó traballo con dereito a remuneración que logo de aviso e xustificación o Real decreto lexislativo 1/1995, concede ó traballador en caso de enfermidade grave ou falecemento de parentes ata segundo grao de consanguinidade ou afinidade, establécese por un período de tres días, ampliable
a cinco días se necesita facer un desprazamento para o efecto. Así mesmo, a ausencia prevista por causa de traslado de domicilio do artigo 37-tres, c) do Estatuto dos traballadores, con dereito a remuneración, establécese en dous días.
Artigo 12º.-Vacacións.
Todo o persoal suxeito a este convenio desfrutará dunha vacación anual retribuída de 30 días naturais ininterrompidos, de acordo co artigo 63 da vixente ordenanza laboral de traballo en prensa e, precisamente, entre os meses de maio a outubro, ambos incluídos. A empresa incrementará este período de vacacións en tantos días laborables (que se desfrutarán separadamente dos 30 regulamentarios) como festas aboables e non recuperables teña traballado o traballador.
A empresa e os traballadores conveñen en que o período de desfrute das vacacións se acordará por seccións; en caso de non chegarse a un acordo entre os traballadores, acudirase a solicitar resolución da xurisdicción competente. Igualmente, o calendario de vacacións da empresa deberá quedar fixado antes do 31 de marzo de cada ano.
Así mesmo, concédese unha bolsa a todo o persoal, na data de comezo das súas vacacións regulamentarias, que será de 130.000 (cento trinta mil) pesetas brutas, para o persoal que realiza unha xornada de 6 horas; e de 43.500 (corenta e tres mil quiñentas) pesetas brutas para o que realiza unha xornada de 2 horas.
Artigo 13º.-Pagas extraordinarias.
Atenderase ó disposto no artigo 62 da vixente ordenanza laboral de traballo en prensa.
A empresa aboará ós traballadores unha paga extraordinaria, por importe dunha mensualidade cada dez anos, a partir do momento en que cumpran vinte anos de antigüidade na empresa, é dicir cando cumpran 20, 30, 40, etc. anos de antigüidade.
Artigo 14º.-Participación en beneficios.
Aboaranse segundo o establecido no artigo 65 da ordenanza laboral de traballo en prensa.
Artigo 15º.-Complemento por enfermidade ou accidente.
En caso de baixa por enfermidade ou accidente de traballo, o persoal percibirá unha cantidade complementaria (consistente na diferencia entre as remuneracións líquidas que percibe en activo e as percepcións que lle corresponden da Seguridade Social), nas datas que a xuízo do servicio médico da empresa non se encontre en condicións de asistir ó traballo a causa de enfermidade ou accidente.
Artigo 16º.-Axudas por falecemento.
Por causa de falecemento do traballador, cónxuxe ou fillos que convivan ás súas expensas, a empresa satisfará ós seus herdeiros legais a cantidade equivalente a tres mensualidades netas, servindo de base para o cálculo desta axuda a última mensualidade paga. Cando faleza o traballador, cónxuxe, fillos, fillos políticos, pais ou pais políticos, condonarase o total da nota necrolóxica publicada e da de gracias, no tamaño habitual de tres columnas. Estas dúas
necrolóxicas serán tamén condonadas ós xubilados e os seus cónxuxes.
Nos mesmos casos a necrolóxica do primeiro cabodano será gratuíta. No caso de familiares de segundo grao, bonificarase co 50%.
Artigo 17º.-Xubilación forzosa e pensión complementaria de xubilación.
1. A xubilación será obrigatoria ós 65 anos para o persoal afectado por este convenio, sempre e cando o traballador reúna un período mínimo de cotización que lle permita atinxi-lo 80% da base reguladora e sexa requirido pola empresa para tal fin. Por cada xubilación forzosa, a empresa obrígase a formalizar un contrato indefinido de calquera categoría, nos seis meses precedentes ou posteriores á data da xubilación forzosa.
2. Recoñecemento: o persoal que ingresase na empresa con anterioridade á sinatura do convenio colectivo para 1995, terá dereito ó recoñecemento dunha pensión complementaria e con cargo á empresa, se no momento de obte-la pensión de xubilación do réxime da Seguridade Social, ten 64 anos de idade e 20 anos, como mínimo, de servicio na empresa.
3. Requirimento de xubilación: o persoal con 64 anos e 34 anos de servicio poderá ser requirido pola dirección da empresa para que solicite a xubilación. Se o traballador se negase a acepta-lo requirimento de xubilación que a dirección da empresa lle formule, perderá os beneficios deste complemento.
A empresa queda facultada para xubilar coa pensión máxima complementaria de xubilación o persoal con 64 anos de idade, sen que reúna ningún outro requisito. Neste último caso, o acordo da dirección da empresa será comunicado ó comité de empresa en pleno e este poderá solicita-la súa revisión da dirección.
4. Contía: a contía da pensión complementaria de xubilación de cada traballador que acredite este dereito será igual ó importe da diferencia entre o resultado de aplica-la porcentaxe de pensión que lle corresponda, segundo anos de servicio á empresa, ó total das percepcións líquidas por tódolos conceptos (excepto as horas extraordinarias e o complemento funcional dominical) e as prestacións que por este concepto lle sexan recoñecidas na Seguridade Social, por aplicación da Lei de pensións, do 31 de xullo de 1985 e o Real decreto 1799/1985, do 2 de outubro, que a desenvolve.
As porcentaxes de pensión, segundo os anos de servicio, son os seguintes:
Anos de servicio Porcentaxe
20 80,00%
21 81,42%
22 82,84%
23 84,26%
24 85,68%
25 87,10%
26 88,52%
27 89,94%
28 91,36%
29 92,78%
Anos de servicio Porcentaxe
30 94,20%
31 95,62%
32 97,04%
33 98,46%
34 100,00%
Non son aplicables, por tanto, os beneficios aquí establecidos para o persoal que ingresase na empresa con posterioridade á sinatura do convenio colectivo de 1995.
Artigo 18º.-Transporte.
O complemento de transporte será incrementado de xeito que as actuais 477 (catrocentas sesenta e sete) pesetas que percibe por día cada traballador afectado, pasarán a ser 495 (catrocentas noventa e cinco) pesetas por día que acuda ó traballo e con efectos retroactivos ata o 1 de xaneiro de 2001.
Tamén con efecto retroactivo ata o 1 de xaneiro de 2001 e por cada día que acudan ó traballo, os traballadores que viñan desfrutando do complemento de transporte en contía de 234 (duascentas trinta e catro) pesetas, pasarán a percibir 243 (duascentas corenta e tres) pesetas por ese concepto.
As repartidoras percibirán a cantidade de 234 (duascentas trinta e catro) pesetas por cada día que acudan ó traballo e en concepto de complemento de desprazamento, con efecto do 1 de xaneiro de 2001.
Artigo 19º.-Condicións máis beneficiosas.
Serán respectadas tódalas condicións establecidas que sexan máis beneficiosas para o traballador.
Artigo 20º.-Compensación, absorción e vinculación á totalidade.
As melloras económicas que establece este convenio serán absorbidas e compensadas en cómputo anual pola empresa, de conformidade coa lexislación vixente, con calquera mellora de calquera clase e xénero que for incluída, toda clase de primas, incentivos, complementos, gratificacións, horas extraordinarias e percepcións análogas establecidas ou que voluntariamente se tiveren pactado neste convenio colectivo, contrato individual de traballo ou costume.
Queda expresado, acordado e convido que as melloras de toda índole que no futuro sexan concedidas por disposición legal, serán soamente aplicables no caso de seren superiores ás contidas neste convenio e soamente no que exceda; ou sexa, serán absorbidas e compensadas en cómputo anual ata o exceso.
Ámbalas partes conveñen en que as normas deste convenio constitúen un todo orgánico e indivisible.
Artigo 21º.-O salario base.
Das categorías profesionais establecidas no artigo 53 da ordenanza laboral de traballo en prensa, vixente, aprobado por Orde do 9 de decembro de 1976 (rectificada), queda substituído polos que se relacionan na seguinte táboa, resultante de incrementar nun 3,75% os salarios vixentes no 31-12-2000 e
o aumento dos cales se detrae do complemento convenio devengado polos traballadores:
Categorías Pesetas
Técnicos Mensual Técnico titulado de grao superior 188.504 Técnico titulado de grao medio 114.019 Técnico non titulado 100.105 Debuxante proxectista 93.556 Radiotelegrafista 101.196 Radiotelefonista 83.064
Redacción Mensual Subdirector 188.054 Redactor xefe 166.459 Redactor xefe de sección 148.691 Redactor 125.753 Axudante de primeira 112.110 Axudante preferente 99.013 Locutor 99.013 Axudante 87.008 Discjockey 87.008
Administración Mensual Xefe de sección 125.753 Xefe de negociado 112.110 Oficial primeira 99.013 Oficial segunda 87.008 Auxiliar 80.869 Aspirante (16-18 anos) 80.869 Xefe de equipo e informática 125.753 Xefe de máquinas 112.110
Servicios auxiliares Mensual Telefonista 80.869 Encargado de almacén 99.013 Almaceneiro 80.869 Cobrador-pagador 80.869 Axente de vendas (Ac. informativas) 80.869
Persoal subalterno Mensual Conserxe 80.869 Porteiro 80.869 Ordenanza 80.869 Ciclistas e motoristas 80.869 Gardas, serenos e vixilantes xuramentados 80.869 Pesador basculeiro 80.869 Mozo 80.869 Persoal de limpeza 80.869
Operarios
Oficios propios Diario Xefe de taller (rexente) 4.233 Xefe de sección 3.822 Xefe de equipo 3.332 Corrector 3.213 Atendedor 2.759
Composición, reproducción e impresión Diario Oficial primeira 3.061 Oficial segunda 2.759 Oficial terceira 2.692
Reparación e montaxe Diario Oficial primeira 3.061 Oficial segunda 2.759 Oficial terceira 2.692
Manipulación Diario Oficial primeira 2.759 Oficial segunda 2.759 Oficial terceira 2.692 Embuchadores maiores de 18 anos 2.692 Especialistas 2.692
Oficios auxiliares Diario Oficial primeira 2.759 Oficial segunda 2.692 Oficial terceira 2.692
Categorías Pesetas
(con 18 anos de idade) (con 18 anos idade) (con 18 anos idade)Aprendizaxe Diario Aprendiz de terceiro ano
2.692 Aprendiz de segundo ano
2.692 Aprendiz de primeiro ano
2.692 Peóns 2.692
Distribución Diario Xefe de vendas 2.759 Axudante 2.692 Atador 2.692 Distribuidor 2.692 Vendedor a xornal 2.692
Repartición Diario Repartidor (dúas horas) 897
Os linotipistas, teclistas, perforistas preferentes e correctores percibirán 30 pesetas máis diarias sobre as súas respectivas retribucións da táboa de salarios.
Os xornalistas percibirán, ademais, unha asignación mensual de 7.650 pesetas, denominada complemento artigo 48.
O soldo base dos subdirectores, redactores xefes, xefes de sección e redactores que presten servicios en réxime de libre disposición incrementarase nun 35%, como mínimo, do sinalado na táboa.
Artigo 22º.-Horas extraordinarias.
De conformidade coa Orde de 1 de marzo de 1983, sobre cotización adicional á Seguridade Social por horas extraordinarias, e para os efectos do disposto no artigo 7 do Real decreto 92/1983, do 19 de xaneiro, e no Real decreto lei 1/1986, do 14 de marzo, a empresa e os seus traballadores, representados polo comité que intervén na negociación deste convenio, pactan:
A) Entenderase por horas extraordinarias as necesarias por pedidos imprevistos, períodos punta de producción, ausencias imprevistas, trocas de quenda e outras circunstancias de carácter estructural derivadas da natureza da actividade de prensa, isto é:
-As necesarias nas distintas seccións do periódico para lograr tódolos días de publicación a composición, confección, reproducción, impresión, peche e distribución dos exemplares que compoñen a tiraxe, tanto na ordinaria como nas edicións especiais, números extraordinarios e suplementos.
-As necesarias por ausencias imprevistas de enfermidade ou accidente de traballo.
-As necesarias por cambios de quenda, implantación tecnolóxica, adestramento, perfeccionamento dos traballadores e adaptación ás novas técnicas de traballo en prensa.
-As necesarias para traballos extraordinarios de reparación, montaxe e limpeza de maquinaria de nova adquisición.
-E calquera outra de natureza análoga, sempre que non poidan ser substituídas pola utilización das distintas modalidades de contratación previstas legalmente.
B) As representacións empresariais e do comité aceptan o contido e comprométense á observación
da orde de primeiro de marzo de 1983, aludida anteriormente.
Artigo 23º.-Desfrute do exemplar gratuíto.
Os traballadores continuarán a desfrutar do exemplar gratuíto despois da súa xubilación e, en caso de falecemento do traballador, desfrutarao o cónxuxe sobrevivente.
Artigo 24º.-Seguro colectivo de vida.
Os traballadores de Faro de Vigo, S.A., en canto permanezan na cadro de persoal da empresa, en situación activa, quedarán acollidos a un seguro de vida que cubrirá o risco de morte por causas naturais ou de accidente e de invalidez, por importe de dous millóns de pesetas.
Artigo 25º.-Complemento funcional dominical.
As cantidades que perciben determinados traballadores da empresa por este concepto terán carácter de incentivo polo traslado do descanso semanal regulamentario; incrementándoselle este complemento en 1.000 (mil) pesetas ó persoal de xornada completa e en 333 (trescentas trinta e tres) pesetas ó persoal de reparto. Ámbolos aumentos desde o 1 de xaneiro e ata 31 de decembro de 2001.
Artigo 26º.-Nóminas.
Os traballadores de Faro de Vigo, Sociedad Anónima ratifican a súa conformidade co formato de nómina que actualmente se está a utilizar.
Artigo 27º.-Vestiario persoal de reparto.
Unha vez ó ano o persoal de reparto percibirá o seguinte vestiario:
Un par de calzado.
Dous mandilóns.
Un impermeable.
Artigo 28º.-Axuda para o coidado da visión.
Unha soa vez ó ano e precedendo presentación da factura emitida pola óptica, aboarase o 50% do custo de vidros ou lentes de contacto ata un importe máximo de 20.000 pesetas por persoa e ano.
Artigo 29º.-O importe de retribución das horas nocturnas de peche para o ano 2001 será de 1.400 pesetas/hora.
Artigo 30º.-Unidades de negociación.
A representación das partes que negociaron, aproban e subscriben o texto deste convenio está constituída da seguinte forma:
Pola parte económica:
-Fernando Fernández Núñez.
Pola parte social:
-Ramona Pereira Domínguez-Mª Luz Alonso González.-Mª Beatriz Iglesias Fernández.-Amaya del Olmo Legorburu.-Mª Begoña Márquez Rodríguez-Mª del Carmen García Mayo.-Eduardo Rolland Etchevers.-Jaime Conde Guillade-Julio Bernardo González
Artigo 31º.-Cláusula final.
Para todo o non previsto neste convenio, atenderase ó disposto no procedemento legalmente establecido e nas disposicións laborais de carácter xeral.
Vigo, tres de agosto de dous mil un.
Pola empresa:
Fernando Fernández Núñez, administrador.
Polo comité:
Mª Beatriz Iglesias Fernández.
Mª Luz Alonso González.
Amaya del Olmo Legorburu.
Mª del Carmen García Mayo.
Mª Begoña Márquez Rodríguez.
Ramona Pereira Domínguez.
Eduardo Rolland Etchevers.
Jaime Conde Guillade.
Julio Bernardo González.
