O Padroado para o Desenvolvemento do Plan de Excelencia Turística dos Concellos do Grove e Sanxenxo convoca a provisión da praza da xerencia do padroado, de acordo coas bases aprobadas para o efecto, e que, en resumo son as seguintes:

Obxecto do contrato: poderán optar á xerencia:

a) Persoas físicas ou empresas consultoras.

Tipo e duración do contrato: contrato laboral (caso de persoa física) ou de consultoría (caso de empresas).

Duración: por período dun ano, prorrogable ata un total de tres anos, tempo de vixencia prevista para o padroado.

Prezo do contrato: a remuneración bruta anual da xerencia será de seis millóns de pesetas (incluída cota empresarial da Seguridade Social).

O prezo do contrato de consultoría e asistencia técnica, se é o caso, será de dez millóns de pesetas.

Requisitos imprescindibles:

a) Caso de persoa física: titulación universitaria superior ou de técnico de empresas e actividades turísticas, e unha experiencia de dous anos como mínimo no sector turístico, ou profesionais cun mínimo de sete anos de experiencia no dito sector.

b) Caso de empresas: obxecto social, consultoría, capacidade e experiencia acreditativa da posibilidade de desenvolvemento da dita finalidade.

Prazo de presentación de proposicións: poderán presentarse, na Secretaría da Mancomunidade (Concello de Cambados), durante o prazo de 10 días hábiles contados desde o seguinte ó da publicación deste anuncio no Diario Oficial de Galicia.

As bases da convocatoria poderán obterse na secretaría da mancomunidade.

Cambados, 17 de outubro de 2001.

Telmo Martín González

Presidente do Padroado para o Desenvolvemento do Plan de Excelencia Turística Concellos do Grove e Sanxenxo