De conformidade coa proposta elevada pola comisión constituída para xulga-lo concurso convocado por resolución desta universidade do 28 de novembro de 2000 (BOE do 21 de decembro), para a provisión da praza de profesora titular de universidade da área de coñecemento de medicina e cirurxía animal (praza vencellada á área médica do Hospital Clínico Veterinario Rof Codina, Lugo), do departamento de Patoloxía Animal da Universidade de Santiago de Compostela, a María Luisa Suárez Rey, e tendo en conta que a interesada cumpre os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María Luisa Suárez Rey profesora titular de universidade da área de coñecemento de medicina e cirurxía animal (praza vencellada á área médica do Hospital Clínico Veterinario Rof Codina, Lugo), do departamento de Patoloxía Animal da Universidade de Santiago de Compostela.
Santiago de Compostela, 25 de setembro de 2001.
F. Darío Villanueva Prieto
Rector da Universidade de Santiago de Compostela