O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo 4 a composición, e no artigo 5 o procedemento de nomeamento dos membros deste órgano.

Por Orde do 26 de febreiro de 2001 (DOG nº 51, do 13 de marzo), modificada polas ordes do 16 de marzo de 2001 (DOG nº 56, do 20 de marzo), do 11 de maio de 2001 (DOG nº 100, do 25 de maio), e do 26 de xuño de 2001 (DOG nº 137, do 16 de xullo), nomeáronse membros do Consello Galego de Cooperativas.

Por iniciativa das entidades Unión de Cooperativas Asociación Gallega de Cooperativas Agrarias e Federación de Empresas Cooperativas Sinerxia e de acordo co previsto no citado decreto, cómpre a substitución do suplente segundo e do titular, respectivamente, nomeados como representantes destas entidades no consello.

Por todo o exposto, de acordo coas propostas realizadas e facendo uso da autorización prevista na disposición derradeira primeira do referido decreto,

DISPOÑO:

Artigo único.

Primeiro.-En representación das cooperativas e por proposta da Unión de Cooperativas Asociación Gallega de Cooperativas Agrarias, noméase como suplente segundo a Luís de Gerónimo Vázquez, en substitución de Javier Pousa Veloso.

Segundo.-En representación das cooperativas e por proposta da Federación de Empresas Cooperativas Sinerxia, noméase como membro titular a Marcos Antonio Lorenzo Gallego, en substitución de Baltasar Correa Rodríguez.

Santiago de Compostela, 12 de setembro de 2001.

Antonio Pillado Montero

Conselleiro de Xustiza, Interior

e Relacións Laborais