A Comisión de Goberno, en sesión realizada o 24 de agosto de 2001, adoptou, entre outros, o seguinte acordo:
Primeiro.-Aprobar inicialmente o estudio de detalle presentado por Urbanizacións Xerais, S.L., para
o establecemento de rasantes dos espacios públicos e acceso ós aparcadoiros que se realizarán no subsolo viario VL-E6.01 e no subsolo de parte do sector S-2, coas seguintes condicións:
A distancia vertical o resgardo entre a rasante da praza pública e a cara superior do forxado do primeiro soto debe ser en todo punto igual ou superior a 70 centímetros coa finalidade de que se poidan situar neste espacio tódalas infraestructuras necesarias para o uso público da praza, tales como recolla de augas pluviais, iluminación pública, axardinamento e rega automática.
Presentarase o documento de urbanización necesario, no cal se indique cómo se urbaniza o espacio público situado sobre este aparcadoiro.
Segundo.-Expoñe-la información pública polo prazo dun mes, anunciándose así no Diario Oficial de Galicia e na prensa.
Terceiro.-Notificar a Urbanizacións Xerais, S.L.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, Oficina de Planeamento, sito na avenida da Mariña, número 18, en horario laboral de 12 a 14 horas, de luns a venres.
Os gastos desta publicación serán satisfeitos polo seu promotor.
A Coruña, 7 de setembro de 2001.
Salvador Fernández Moreda
Concelleiro delegado de Urbanismo