Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: S. Díez, 45, 32003 Ourense.
Denominación: recuamento L.M.T. ponte nova sobre o río Sil.
Situación: O Barco de Valdeorras.
Descricións técnicas: recuamento da L.M.T. a 20 kV aérea ó C.T. Carruina no seu paso pola rotonda de entrada á ponte nova sobre o río Sil, nunha lonxitude de 203 m desde un apoio CH-1600-15P, desta liña derívase en conducción subterránea e 70 m de lonxitude a L.M.T. a 20 kV ata o C.T. existente A Pobra.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 27 de agosto de 2001.
P.A.
Gabriel Diéguez Domínguez
Secretario provincial de Ourense