Vista a solicitude para a autorización administrativa, recoñecemento de utilidade pública, coa relación concreta e individualizada dos bens e dereitos afectados pola expropiación, así como para a aprobación do proxecto de execución que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T., C.T., R.B.T. Latoal (Valdoviño e San Sadurniño).
Liña eléctrica aérea de media tensión a 20 kV sobre apoios de formigón e con conductor LA-56, de 1.243 m de lonxitude, con orixe na liña Carballeiro-Somoza e final no C.T. Latoal, que se vai instalar. Centro de transformación tipo intemperie, sobre apoios de formigón, de 50 kVA e tensións de 20/0,380-0,220 kV en Latoal, do que parte rede de baixa tensión, sobre apoios de formigón e conductor R.Z. de 698 m de lonxitude. Nos termos municipais de Valdoviño e San Sadurniño.
A petición someteuse a información pública, coa relación de propietarios, bens e dereitos afectados,
e publicouse no DOG do 17 de xullo, no BOP do 4, no xornal La Voz de Galicia do día 22 de xuño de 2000 e nos taboleiros de anuncios das casas dos concellos de Valdoviño e San Sadurniño. Tamén foron notificados individualmente os interesados que figuran na devandita relación.
Comprobouse igualmente que as alegacións efectuadas polos interesados en canto á modificación do trazado da liña eléctrica non poden ser tidas en conta por non se daren as condicións previstas no artigo 57.B da devandita lei e no artigo 26 do mencionado decreto.
Vista a Lei 54/1997, do 27 de novembro, do sector eléctrico, os decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, e cumpridos os trámites regulamentarios establecidos, esta delegación provincial resolveu:
Autorizar e aproba-lo proxecto das citadas instalacións e declarar, en concreto, a súa utilidade pública, o que leva implícita a necesidade de ocupa-los bens ou de adquiri-los dereitos afectados e implica a urxente ocupación para os efectos do artigo 52 da Lei de expropiación forzosa.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
A Coruña, 24 de agosto de 2001.
Manuel Estévez Mengotti
Delegado provincial da Coruña en funcións
