Na Sala do Contencioso-Administrativo do Tribunal Superior de Xustiza de Galicia tramítase o recurso nº 1-7-2001, interposto por Begoña Riveiro Martínez contra a Resolución do 9 de outubro de 2000 (DOG nº 202, do 18 de outubro), deste centro directivo, pola que se declara rematado o proceso selectivo de persoal estatutario convocado por Resolución do 28 de decembro de 1998 (DOG nº 9, do 15 de xaneiro de 1999) e se nomean os aspirantes seleccionados con adxudicación de destinos definitivos.

A recorrente, aspirante da categoría de auxiliar de enfermería, pretende a valoración na fase de concurso dos servicios prestados na Residencia Asistida da Terceira Idade de Vigo, coa súa conseguinte inclusión na relación de aspirantes seleccionados.

O que se notifica para xeral coñecemento de tódalas persoas interesadas no procedemento e emprázanse para que poidan comparecer na sala como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 28 de setembro de 2001.

Valeriano Martínez García

Director xeral da División de Recursos Humanos